अतनु दासच्या 'परफेक्ट १०' समोर ऑलिम्पिक गोल्ड विजेता गारद; पाहा शूट ऑफ Video

टोकियो: टोकियो ऑलिम्पिकमध्ये तिरंदाजीत पुरुष एकेरीत भारताच्या अतनु दास (Atanu Das)ने धमाकेदार कामगिरी केली. दासच्या या कामगिरीच चर्चा पुढील काही दिवस होत राहील. तिरंदाजीत असा कमाल फार कमी वेळा पाहायला मिळतो.

वाचा- भारताकडून पदकांची लयलूट होणार; ऑलिम्पिकमध्ये असा गाजवला दिवस

अतनु दासने प्रथम राउंड ३२ मध्ये चायनीज तैपईच्या डेंग यू चेंगचा ६-४ असा पराभव करत अंतिम १६ मध्ये स्थान मिळवले. त्यानंतर दासची लडत दक्षिण कोरियाच्या दोन वेळा ऑलिम्पिक सुवर्णपदक विजेत्या जिन हयेकविरुद्ध होती.

वाचा- नेमबाजीत अखेरची आशा: २५ मीटर पिस्तूल पात्रता फेरीत मनू ५व्या तर कोल्हापूरची राही सरनोबत...

उपउपांत्यपूर्व फेरीत दास विरुद्ध हयेकचे पारडे जड होते. पहिला सेट जिन हयेकने जिंकला. पण दासने शानदार कामगिरी केली. त्याने दुसऱ्या आणि तिसऱ्या सेटमध्ये बरोबरी केली. पहिल्या तीन सेटनंतर लंडन आणि रिओ ऑलिम्पिकमध्ये सुवर्णपदक विजेता जिन ४-२ असा आघाडीवर होता. चौथ्या सेटमध्ये दासने २७-२२ असा विजय मिळवला. आता ४-४ अशी बरोबरी झाली होती.

वाचा- सिंधू उपांत्यपूर्व फेरीत; पदकासाठी हवाय फक्त एक विजय

सामनाच्या निकाल निर्णायक पाचव्या सेटमध्ये लागणार होता. पाचव्या सेटमध्ये या दोन्ही खेळाडूंनी सर्वोत्तम अशी कामगिरी केली आणि २८-२८ असे गुण मिळवले. यामुळे विजेत्याचा निर्णय शूट ऑफमध्ये गेला. शूट ऑफमध्ये जिन हयेकने ९ गुण मिळवले. तर भारताच्या दासने परफेक्ट १० गुण मिळवत इतिहास घडवला.

वाचा- जबरदस्त! भारताने गत ऑलिम्पिक सुवर्णपदक विजेत्या अर्जेंटिनाची दाणादाण उडवली


स्वत:वर विश्वास असेल तर प्रतिस्पर्धी कितीही चिवट असला तरी त्यावर विजय मिळवता येतो हे दासने दाखवून दिले. दासने अशा खेळाडूचा पराभव केला जो शूट ऑफमध्ये नेहमी विजय मिळतो.

वाचा- Video: भारतीय खेळाडूने घेतलेला कॅच पाहून अंपायर झाले हैराण, दोन वेळा...

तिरंदाजीत पुरुषांमध्ये दास तर महिलांमध्ये दीपिकाकुमारी अंतिम ८ मध्ये पोहोचले आहेत. या दोघांनी आणखी एक विजय मिळवल्यास देशाला पदक मिळून देतील.