प्रवीण जाधव, तरुणदीपला पराभवाचा धक्का; ऑलिम्पिकमधून पडले बाहेर

टोकियो : भारतीय तिरंदाज प्रवीण जाधवला पुरुषांच्या वैयक्तिक गटात पराभवाचा सामना करावा लागला आहे. या पराभवासह तो टोकियो ऑलिम्पिकमधून बाहेर पडला आहे. दुसर्‍या फेरीत प्रवीणचा सामना 2016च्या रिओ ऑलिम्पिकमधील कांस्यपदक विजेत्या ब्रँडी एलिसनविरुद्ध होता. प्रवीणला एलिसनसमोर काही खास कामगिरी करता आली नाही. एलिसनने हा सामना 6-0 असा एकतर्फी जिंकला. पहिल्या फेरीत प्रवीणने जबरदस्त विजयाची नोंद करताना जागतिक क्रमवारीत दुसर्‍या क्रमांकावर असलेल्या खेळाडूचा पराभव केला होता, पण दुसर्‍या फेरीत तो अपयशी ठरला.

वाचा- कोणी विचार देखील केला नव्हता की ऑलिम्पिकमध्ये असे काही होईल, खेळाडूवर झाली मोठी कारवाई

दरम्यान, प्रवीणने पहिल्या सेटमध्ये 27 गुण कमावले, पण प्रतिस्पर्धी एलिसनने 28 गुणांची कमाई केली. प्रवीणने पहिल्या सेटमध्ये 9, 8, 10, तर एलिसनने 9, 10, 9 चा वेध घेतला. दुसर्‍या सेटमध्ये प्रवीणने 10, 9, 7 चा वेध घेत 26 गुण केले. तर एलिसनने 8, 10, 9 मध्ये 27 गुण कमावले. तिसर्‍या सेटमध्ये प्रवीणला फक्त 23 गुणांची कमाई करता आली, तर एलिसनने 26 गुण कमावत सामना जिंकला.

वाचा- Video : सामन्याआधी कोचनं लावली अॅथलीटच्या कानशिलात; पाहणारे झाले थक्क



पहिल्या फेरीत शानदार कामगिरी
प्रवीणने पुरुषांच्या वैयक्तिक गटात पहिली फेरी जिंकत दुसर्‍या फेरीत प्रवेश केला. प्रवीणने आरओसीचा जगातील नंबर दोन खेळाडू गालसन बाजारझापोवचा 6-0 असा पराभव केला. पहिल्या सेटमध्ये त्याने 29, तर गालसनने 27 गुण कमावले. दुसर्‍या सेटमध्ये प्रवीणने 28 आणि त्याच्या प्रतिस्पर्धीने 27 गुण कमावले. तिसर्‍या सेटमध्ये प्रवीणने 28, तर गालसनने 24 गुणांची कमाई केली होती.

वाचा- जागतिक स्तरावर भारताची ओळख निर्माण करणारे बॅडमिंटनपटू नंदू नाटेकर

तरुणदीपचा पराभव
प्रवीण अगोदर भारतीय तिरंदाज तरुणदीप रायने दुसऱ्या फेरीत प्रवेश केला होता, पण त्यालाही पराभवाचा सामना करावा लागला. इटलीच्या इताय शौनीसारख्या खेळाडूला तरुणदीपने चांगली झुंज दिली. शौनीने हा सामना 6-5 असा जिंकला. त्यापूर्वी पहिल्या फेरीत तरुणदीपने युक्रेनच्या ओलेक्सी हॅनबिनविरुद्ध 6-4 अशा रोमांचक विजयाची नोंद केली होती. तरुणदीपचे हे तिसरे ऑलिम्पिक होते. एकवेळ तो 2-4 असा पिछाडीवर होता, पण परफेक्ट 10चे तीन शॉट लगावत त्याने शेवटचे दोन सेट जिंकले होते.

वाचा- सुरक्षित बायो बबलमध्ये क्रुणाल पंड्याला कसा काय झाला करोना; जाणून घ्या काय झाले