कंडोमची कमाल; जेसिकानं जिंकलं ऑलिम्पिक पदक; जाणून घ्या नेमकं प्रकरण

टोकियो : 'मन मे है विश्वास, पूरा है विश्वास, हम होंगे कामयाब एक दिन' हे गाणं आपण हजारदा गायलं, ऐकलं असेल, पण त्याची प्रतिची आपल्यापैकी फारच कमी लोकांना आली असेल. जर तुमच्याकडे इच्छाशक्ती आणि स्वत:वर विश्वास असेल, जर कोणतीही गोष्ट अशक्य नाही, हेच यंदाच्या ऑलिम्पिकमध्ये पाहायला मिळालं.

वाचा- टोकियो ऑलिम्पिकमध्ये सिंधूचा विजयी चौकार; उपांत्य फेरीत धडक

ऑस्ट्रेलियाची कॅनोइस्ट जेसिका फॉक्सने यंदाच्या ऑलिम्पिकमध्ये ऐतिहासिक कामगिरीची नोंद केली. कयाकिंगमध्ये कांस्यपदक पटकावणाऱ्या जेसिकाने आपली कयाक (नौका) दुरुस्त करण्यासाठी चक्क कंडोमचा वापर केला होता. के-1 इव्हेंटमध्ये ती तिसऱ्या स्थानी राहिली, पण त्याआधी तिने दुसऱ्या इव्हेंटमध्ये सुवर्णपदकही पटकावले आहे.


वाचा- देशाचे नाव उंचावणारी लव्हलिन बोर्गोहेन आहे तरी कोण; आईचे स्वप्न पूर्ण करण्यासाठी...

फ्रान्समध्ये जन्मलेली कॅनॉन स्लॅलम महिला अॅथलिट जेसिका फॉक्स ऑलिम्पिकमध्ये ऑस्ट्रेलियाचे प्रतिनिधीत्व करत आहे. आपल्या इन्स्टाग्राम पोस्टमध्ये जेसिकाने या प्रकरणाचा खुलासा केला. जेसिकाची कयाक तुटली होती, त्यामुळे ती दुरुस्त करण्यासाठी तिने खेळाडूंना दिल्या जाणाऱ्या कंडोमचा वापर केला. तिची ही कल्पना काय कमाल दाखवून गेली, हे आता जगजाहीर झालं आहे.

वाचा- Tokyo Olympic 2020 : दीपिकाकुमारीचे लक्ष्य हुकले; इतिहास घडवला पण...

कांस्य पदक जिंकल्यानंतर 27 वर्षीय जेसिकाने सोशल मीडियावर एक पोस्ट लिहली. त्यात तिने म्हटलं आहे की, ''तुटलेल्या कयाकची दुरुस्ती करण्यासाठी कंडोमचा वापर होऊ शकतो, हे आपल्याला माहित नव्हतं. माझ्या मनात मी लाखोवेळा ही शर्यत पाहिली असेल. भावनात्मकदृष्ट्या हे खूप कठीण होतं. या वेळेसारखं मी याआधी कधीच घाबरले नव्हते. मला अंधुक अंधुक दिसत होतं आणि मी कुठं आहे आणि हे शर्यत जिंकण्यासाठी पुरेसं आहे का हे पाहण्याचा मी प्रयत्न करत होते. ऑलिम्पिक स्पर्धेवेळी कधी काय होईल, हे आपल्याला माहित नसतं. फक्त स्वत:वर नियंत्रण ठेवावं लागतं.''


जेसिकाच्या कयाकमध्ये बिघाड झाल्यानंतर तिचा मदतनीस कयाक दुरुस्तीच्या कामात व्यस्त होता. यावेळी कयाक दुरुस्ती करण्यासाठी त्यांनी कंडोमचा वापर करण्याचा निर्णय घेतल्याचे व्हिडिओमध्ये दिसत आहे.


जेसिका तीन वेळची कॅनॉन स्लॅलम के-वन वर्ल्ड चॅम्पियन आहे. 2016च्या रिओ ऑलिम्पिकमध्ये तिने कांस्यपदक तर 2012च्या लंडन ऑलिम्पिकमध्ये तिने रौप्यपदक जिंकले होते. यंदाच्या ऑलिम्पिकमध्ये सुवर्णपदक जिंकत तिने आपली स्वप्नपूर्ती केली आहे.


दरम्यान, 1988 पासून आंतरराष्ट्रीय ऑलिम्पिक समितीने स्पर्धेदरम्यान कंडोम वाटप करण्याचा निर्णय घेतला आणि आजही ही प्रथा सुरू आहे. एचआयव्ही एड्स आणि लैंगिक आजारांना आळा घालण्याच्या उद्देशाने ही मोहिम सुरू करण्यात आली. रिओ ऑलिम्पिकमध्ये 4 लाख 50 हजार कंडोमचे वाटप करण्यात आले होते, तर यंदाच्या टोकियो ऑलिम्पिकमध्ये आतापर्यंत 1 लाख 60 हजार कंडोमचे वाटप करण्यात आले आहे.