पहिल्याच ऑलिम्पिकमध्ये सुवर्णपदकाची दावेदार झाली कमलप्रीत कौर; जाणून घ्या तिचा प्रवास

टोकियो: ऑलिम्पिक अॅथलेटिक्समध्ये भारताची कामगिरी फार चांगली नाही. पण टोकियो ऑलिम्पिकमध्ये शनिवारी भारतासाठी एक सुवर्ण आशा निर्माण झाली आहे आणि ही आशा निर्माण केली आहे ती कमलप्रीत कौर या थाळी फेकपटूने...

महिलाच्या थाळी फेर पात्रता फेरीत भारताच्या दोन महिलांचा सहभाग होता. एक अनुभवी आणि चौथ्या ऑलिम्पिकमध्ये भाग घेणारी सीमा पुनिया तर दुसरी युवा आणि राष्ट्रीय विक्रम करणारी कमलप्रीत कौर होत. पात्रता फेरीत सीमाला ६०.५७ सह १६व्या स्थानावर समाधान मानावे लागले. तर कमलप्रीतने ६४.०० या सर्वोत्तम कामगिरीसह दुसरे स्थान मिळवले.

वाचा- ध्यानी मनी नसताना टोकियो ऑलिम्पिकमध्ये भारताला या प्रकारात निर्माण झाली पदकाची आशा


आज ऑलिम्पिकमध्ये सुवर्णपदकाची दावेदार झालेल्या कमलप्रीतला शाळेत इयत्ता दहावीत शारीरिक शिक्षण विषयाच्या शिक्षकांनी गोड बोलून थाळी फेकच्या स्पर्धेसाठी तयार केले. कमलप्रीतने तेव्हा राज्यस्तरीय स्पर्धेत भाग घेता. या स्पर्धेत तिला विजय मिळवता आला नाही. ती चौथ्य स्थानावर होती. पण स्पर्धेत तिच्यातील उर्जा आणि खेळण्याची जिद्द दिसली.

वाचा- शटल क्विन सिंधू पदकापासून एक पाऊल दूर; आज सेमीफायनल, कधी, केव्हा आणि कुठे पाहाल

दहावीत असताना सहभाग घेतलेल्या त्या स्पर्धेपासून कमलप्रीतचा ऑलिम्पिकचा प्रवास सुरू झाला. पंजाबमधील श्री मुक्तसर साहिब जिल्ह्यातील रहिवासी असलेल्या कमलप्रीत काही महिन्यांपूर्वी चर्चेत आली आहे.

मार्च महिन्यात कमलप्रतीने ६५.०६ मीटर लांब थाळी फेकून राष्ट्रीय विक्रम केला आणि टोकियो ऑलिम्पिकचे तिकिट मिळवले. थाळी ६५ मीटर पेक्षा अधिक दूर फेकणारी ती पहिली भारतीय महिला खेळाडू आहे. त्यानंतर जून महिन्यात तिने आणखी एक विक्रम केला. ६६.५९ मीटर थाळी फेकून स्वत:चा ६५.०६ हा विक्रम मागे टाकला.

वाचा- बायो बबलचे नियम मोडले; तिघा क्रिकेटपटूंवर कठोर कारवाई, एक वर्षाची बंदी आणि...

जेव्हा कमलप्रीतने थाळी फेकमध्ये करिअर करणार असल्याचे वडिलांना सांगितले तेव्हा ते भारतीय क्रीडा प्राधिकरणात घेऊन गेले. पण अनुभव नसल्याने तिला साई मध्ये प्रवेश मिळाल नाही. कमलप्रीतने साईच्या जवळ असलेल्या एका खासगी शाळेत आणि क्रीडा हॉटेलमध्ये प्रवेश घेतला. त्यांनी फ्री साठी १ लाख रुपयांची मागणी केली तेव्हा कमलप्रीतचे वडील कुलदीप यांनी जागा विकून पैसे उभे केले.