क्रीडागुणांसाठी १३ संघटना पात्र
मुंबई : माध्यमिक शालांत प्रमाणपत्र १० वी आणि १२वीला बसलेल्या मुलांना क्रीडागुण देण्याबाबत महाराष्ट्र शासनाने जी सुधारित नियमावली तयार केली आहे, त्यानुसार एकूण २३ खेळांच्या एकविध राज्य संघटनांनी या गुणांसाठी प्रस्ताव शासनाकडे सादर केले आहेत. त्यातील १३ संघटनांना शासन निर्णयातील तरतुदींनुसार पात्र ठरल्या आहेत. उर्वरित १० संघटनांना अटींची पूर्तता करण्यास सुचविण्यात आले आहे. या संघटनांचे परिपूर्ण प्रस्ताव प्राप्त झाल्यानंतर त्यांची यादी पाठविली जाईल.
ज्या १३ संघटना पात्र ठरल्या आहेत, त्यात महाराष्ट्र अॅथलेटिक्स असोसिएशन, महाराष्ट्र अॅमेच्युअर बॉक्सिंग असोसिएशन, सायकलिंग असोसिएशन, महाराष्ट्र राज्य तलवारबाजी संघटना, द वेस्टर्न इंडिया फुटबॉल असोसिएशन, महाराष्ट्र ज्युडो असोसिएशन, महाराष्ट्र राज्य टेबल टेनिस असोसिएशन, ऑल महाराष्ट्र वुशू असोसिएशन, महाराष्ट्र सेपक टकरा असोसिएशन, महाराष्ट्र अॅमॅच्युअर मल्लखांब असोसिएशन, महाराष्ट्र राज्य सॉफ्टबॉल असोसिएशन, ऑल मराठी चेस असोसिएशन यांचा समावेश आहे.