बीडच्या श्रद्धा गायकवाडने इतिहास घडवला; सुवर्णपदकासह मिळवले फ्रान्स ऑलिंम्पिकचे तिकिट!

बीड: अहमदाबादमध्ये सुरू असलेल्या ३६ व्या राष्ट्रीय क्रीडा स्पर्धेसाठी महाराष्ट्र राज्यातून अनेक विविध खेळांसाठी खेळाडूंनी सहभाग नोंदवला. एफकेटी सहभागच नाही घेतला तर अद्वितीय अशी कामगिरी करत आपल्या नावे पदके देखील जिंकली आहेत. महाराष्ट्रातिल अनेक विविध जिल्हे आणि तिथे विविध स्तरांवर खेळले जाणारे खेळ आणि त्यात पारंगत असलेले नव्या दमाचे खेळाडू देशाला भेटले आहेत. तर याच राष्ट्रीय क्रीडा स्पर्धेमध्ये पदक जिंकलेल्या एका खेळाडूला येत्या ऑलिंपिकसाठी भारतीय संघात निवडले आहे.

अहमदाबाद येथे नुकत्याच संपन्न झालेल्या ३६ व्या राष्ट्रीय क्रीडा स्पर्धेत परळीच्या कु. श्रध्दा रविंद्र गायकवाड हिने 'स्केट बोर्डिंग' या स्पर्धेत सुवर्णपदक पटकावले आहे. तिची स्केट बोर्डिंग या क्रीडा प्रकारात फ्रांसमध्ये होणाऱ्या ऑलम्पिक स्पर्धेसाठी भारतीय संघात निवड झाली आहे. या निवडीबद्दल तिचे सर्व स्तरातून अभिनंदन होत आहे. ऑलम्पिक साठी निवड होणारी परळीतील ती पहिलीच खेळाडू ठरली आहे. बीड जिल्ह्यासाठी ही अत्यंत गौरवाची बाब ठरली आहे.

आफ्रिकेच्या गोलंदाजांची बेदम धुलाई; संजूनं असा विक्रम केला की द्रविड मागे पडले...

श्रद्धा गायकवाड या परळीच्या सुवर्णकन्येने परळीचे नाव संपूर्ण भारत देशात गाजविले आहे. परळीचे रविंद्र गायकवाड यांची ती कन्या असुन श्रद्धाचे वडील रविंद्र गायकवाड हे पुण्यामध्ये एका खाजगी कंपनीत सुरक्षा रक्षक म्हणून काम करतात. अतिशय बिकट परिस्थितीतून उभी राहत श्रद्धाने ही कामगिरी पूर्ण केली आहे. तिच्या यशाने परळीच्या नावलौकिकात मोठी भर पडली असून परळीतून आंतरराष्ट्रीय स्पर्धेसाठी निवड होणारी ती पहिलीच खेळाडू ठरली आहे. तिच्या या यशाबद्दल सर्व स्तरातून अभिनंदन होत आहे.

स्टार क्रिकेटपटूला बलात्काराच्या आरोपाखाली अटक, देशात परतातच विमानतळावर पोलिसांनी घेतले ताब्यात

संपूर्ण परळीकरांच्या वतीने माजी नगराध्यक्ष बाजीराव धर्माधिकारी यांनी श्रद्धाला शुभेच्छा दिल्या; आता फ्रांसमध्ये होणार्‍या ऑलिम्पिकमध्ये श्रद्धाने सुवर्णपदक जिंकत परळीचे नाव संपूर्ण विश्वात करावे, असे ते म्हणाले.