नरेंद्र, अपूर्व, यश,
आदित्यचा विजय
म. टा. प्रतिनिधी, पुणे
विराज कुवळे, नरेंद्र पाटील, आदित्य ओक, यश शहा, अपूर्व जावडेकर आणि विप्लव कुवळे यांनी व्ही. व्ही. नातू स्मृती अखिल भारतीय मानांकन बॅडमिंटन स्पर्धेच्या पात्रता फेरीत आपापल्या प्रतिस्पर्ध्यावर विजय नोंदविला.
शिवाजीनगरमधील पी. ई. सोसायटीच्या मॉडर्न पीडीएमबीए कॉम्प्लेक्समध्ये ही स्पर्धा सुरू आहे. पात्रता फेरीतील दुसऱ्या लढतीत विराजने गुल महंमद दोडवर १५-९, १३-१५, १५-४ अशी मात केली, तर विप्लवने स्पर्श श्रीवास्तववर १५-१०, १७-१५ असा विजय नोंदविला. तसेच, वसीम शेखने निखिल जोशीचा १५-८, १५-८ असा, तर नायजेल डिसाने सूरज भारतीचा १५-८, १५-५ असा पराभव केला.
याशिवाय नरेंद्र पाटीलने सांतूकुमारवर १५-७, १५-९ असा, ऋषीकेश होलेने तरुण पांथरीवर १५-११, १५-१३ असा, सुश्रुत करमरकरने उत्कर्ष चौधरीवर १५-७, १५-८ असा, आदित्य ओकने अश्विन जैनवर १०-१५, १५-५, १५-८ असा, अंजेश काबळेने आयुष मखिजावर ११-१५, १५-१३, १६-१४ असा, तर श्रीशैल मिटकरीने अनुभव नारायणवर १५-१३, १५-४ असा विजय नोंदविला. तसेच, यश शहाने शिशीर द्विवेदीचा १५-११, १५-७ असा, अपूर्व जावडेकरने दिवाकर रावचा १५-१३, ११-१५, १५-९ असा, उत्कर्ष शिलवंतने सुधीरसिंगचा १५-५, १५-१० असा पराभव केला.