वृत्तसंस्था, नवी दिल्ली
उझ्बेकिस्तानविरुद्धच्या आगामी डेव्हिस कप टेनिस स्पर्धेच्या सामन्यासाठी भारतीय संघात बुजूर्ग टेनिसपटू लिअँडर पेसला कायम ठेवण्यात आले आहे. मात्र लढतीच्या अंतिम चमूत तो खेळणार की नाही, याचा फैसला करेल तो पेसचा माजी जोडीदार महेश भूपती! ७ एप्रिलपासून बेंगळुरूत रंगणाऱ्या या आशिया/ओशनिया गट क्रमांक एकमधील दुसऱ्या फेरीचा सामना हा भूपतीचा न खेळणारा कर्णधार म्हणून पहिलाच सामना असेल.
एस.पी.मिश्र यांच्या अध्यक्षतेखाली अखिल भारतीय टेनिस असोसिएशनच्या (आयटा) निवड समितीने भारतीय संघाची निवड केली. यामध्ये एकेरीसाठी युकी भांबरी, प्रज्ञेश गुणेश्वरन आणि एन. श्रीराम बालाजी यांची निवड करण्यात आली असून दुहेरीसाठी रोहन बोपण्णा व लिअँडर पेस यांची निवड करण्यात आली आहे. आयटाचे चिटणीस हरणमय चटर्जी यांनी तर पेसबाबतचा निर्णय कर्णधार घेईल, असे सांगून जबाबदारी झटकली आहे.
‘आम्ही सर्वोत्तम सहा जणांची निवड केली आहे. आता यातून अंतिम संघ काय असेल ते कर्णधाराने ठरवायचे आहे. माझ्या मते सध्या तरी रोहन व पेस हे दुहेरीसाठी चांगले पर्याय आहेत. सामन्याला अजून दहा दिवसांचा अवधी आहे. त्याआधी कर्णधार व निवड समिती योग्य तो निर्णय घेईलच’, असे चटर्जी म्हणाले.
महत्त्वाचा सामना
उझ्बेकिस्तानविरुद्धची लढत खूप महत्त्वाची आहे. त्यांचा डेनिस इस्तोमिन हा एटीपीच्या एकेरींच्या स्पर्धांमध्ये सातत्यपूर्ण कामगिरी करतो. फिट असल्यास तो दोनही एकेरीच्या झुंजींमध्ये खेळण्याची शक्यता आहे. अशा परिस्थितीत दुहेरीची झुंज महत्त्वाची ठरेल. तसेच भारताचे एकेरीचे शिलेदार रामकुमार रामनाथ व युकी भांबरी या दोघांनाही परीपूर्ण पूर्वतयारी करावी लागेल.
फिटनेसबाबत सजगता
भारतीय संघाचा नवा कर्णधार महेश भूपती व प्रशिक्षक झीशान अली फिटनेसबाबत काटेकोर आहेत. त्यामुळेच सामन्याआधी मुंबईत खेळाडूंची फिटनेस चाचणीही होणार आहे. पुण्यात न्यूझीलंडविरुद्ध साकेत मायनेनीने फिटनेस नसल्याने ऐनवेळी माघार घेतली होती. त्यामुळे तात्काळ विष्णू वर्धनचा संघात समावेश करण्यात आला होता.
उझ्बेकिस्तानविरुद्धच्या आगामी डेव्हिस कप टेनिस स्पर्धेच्या सामन्यासाठी भारतीय संघात बुजूर्ग टेनिसपटू लिअँडर पेसला कायम ठेवण्यात आले आहे. मात्र लढतीच्या अंतिम चमूत तो खेळणार की नाही, याचा फैसला करेल तो पेसचा माजी जोडीदार महेश भूपती! ७ एप्रिलपासून बेंगळुरूत रंगणाऱ्या या आशिया/ओशनिया गट क्रमांक एकमधील दुसऱ्या फेरीचा सामना हा भूपतीचा न खेळणारा कर्णधार म्हणून पहिलाच सामना असेल.
एस.पी.मिश्र यांच्या अध्यक्षतेखाली अखिल भारतीय टेनिस असोसिएशनच्या (आयटा) निवड समितीने भारतीय संघाची निवड केली. यामध्ये एकेरीसाठी युकी भांबरी, प्रज्ञेश गुणेश्वरन आणि एन. श्रीराम बालाजी यांची निवड करण्यात आली असून दुहेरीसाठी रोहन बोपण्णा व लिअँडर पेस यांची निवड करण्यात आली आहे. आयटाचे चिटणीस हरणमय चटर्जी यांनी तर पेसबाबतचा निर्णय कर्णधार घेईल, असे सांगून जबाबदारी झटकली आहे.
‘आम्ही सर्वोत्तम सहा जणांची निवड केली आहे. आता यातून अंतिम संघ काय असेल ते कर्णधाराने ठरवायचे आहे. माझ्या मते सध्या तरी रोहन व पेस हे दुहेरीसाठी चांगले पर्याय आहेत. सामन्याला अजून दहा दिवसांचा अवधी आहे. त्याआधी कर्णधार व निवड समिती योग्य तो निर्णय घेईलच’, असे चटर्जी म्हणाले.
महत्त्वाचा सामना
उझ्बेकिस्तानविरुद्धची लढत खूप महत्त्वाची आहे. त्यांचा डेनिस इस्तोमिन हा एटीपीच्या एकेरींच्या स्पर्धांमध्ये सातत्यपूर्ण कामगिरी करतो. फिट असल्यास तो दोनही एकेरीच्या झुंजींमध्ये खेळण्याची शक्यता आहे. अशा परिस्थितीत दुहेरीची झुंज महत्त्वाची ठरेल. तसेच भारताचे एकेरीचे शिलेदार रामकुमार रामनाथ व युकी भांबरी या दोघांनाही परीपूर्ण पूर्वतयारी करावी लागेल.
फिटनेसबाबत सजगता
भारतीय संघाचा नवा कर्णधार महेश भूपती व प्रशिक्षक झीशान अली फिटनेसबाबत काटेकोर आहेत. त्यामुळेच सामन्याआधी मुंबईत खेळाडूंची फिटनेस चाचणीही होणार आहे. पुण्यात न्यूझीलंडविरुद्ध साकेत मायनेनीने फिटनेस नसल्याने ऐनवेळी माघार घेतली होती. त्यामुळे तात्काळ विष्णू वर्धनचा संघात समावेश करण्यात आला होता.