हो चि मिन्ह सिटी (व्हिएतनाम) : भारताच्या अजय जयराम आणि मिथुन मंजूनाथने व्हिएतनाम ओपन बॅडमिंटन स्पर्धेच्या उपांत्य फेरीत प्रवेश केला. पुरुष एकेरीच्या उपांत्यपूर्व फेरीत अजय जयरामने कॅनडाच्या शेंग शिओडोंगवर २६-२४, २१-१७ अशी मात केली. ही लढत ४२ मिनिटे चालली. अजय जयरामची आता सातव्या मानांकित जपानच्या यू इगारशीविरुद्ध लढत होईल. मिथुनने चीनच्या झ्होयू झेकीवर १७-२१, २१-१९, २१-११ असा विजय मिळवला. मिथुनची आता इंडोनेशियाच्या शेसर हिरेनविरुद्ध लढत होईल. महिला एकेरीत थायलंडच्या फितयापोर्न चैवानने ऋतुपर्णा दासवर २१-१९, २१-१४ अशी मात केली.
...
महेशला विजेतेपद
मुंबई : अग्रमानांकित महेश माणगावकरने आपलाच सहकारी अभिषेक प्रधानला ११-८, १२-१०, १२-१० असे पराभूत करून ४३व्या राज्य स्क्वॉश स्पर्धेतील पुरुष एकेरीचे विजेतेपद मिळवले. महेशचा आशियाई स्पर्धेसाठी भारतीय संघात समावेश करण्यात आला आहे. त्यामुळे आशियाई स्पर्धेपूर्वी मिळालेल्या या यशाने त्याचा आत्मविश्वास नक्कीच वाढला असणार. विजेत्या महेशला १ लाख ३० हजार रुपयांचे, तर उपविजेत्या प्रधानला ७५ हजार रुपयांचे पारितोषिक मिळाले. या स्पर्धेत प्रधानने काही संघर्षपूर्ण विजय मिळवून अंतिम फेरी गाठली होती. तिसऱ्या मानांकित प्रधानने अंतिम फेरीत महेशला चांगली लढत दिली. मात्र, विजेतेपद मिळवण्यात त्याला यश आले नाही.