म. टा. प्रतिनिधी, औरंगाबाद
अमेरिकन बास्केटबाल खेळाडू अलेक्सझांडर स्टर्लिंगतर्फे आधुनिक तंत्रशुद्ध प्रशिक्षण शिबिर तसेच थ्री नॉट थ्री बास्केटबाल स्पर्धेचे आयोजन औरंगाबादेत १८ ते २० नोव्हेंबरदरम्यान आयोजित करण्यात आले आहे.
एमएसएम बास्केटबाल स्पोर्टस, सर्वाग्यराव अकेडमी, राजेश्वरराव अकेडमीतर्फे हे आयोजन करण्यात आले आहे. अमेरिकेच्या एनसीसीए संस्थेचा बास्केटबाल खेळाडू अलेक्सझांडर स्टर्लिंगतर्फे आधुनिक तंत्रशुद्ध प्रशिक्षण शिबिराचे आयोजन डॉ. बाबासाहेब आंबेडकर मराठवाडा विद्यापीठाच्या बास्केटबाल मैदानावर बास्केटबॉल शिबिर होणार आहे. स्टर्लिंगचे जानेवारी महिन्यात औरंगाबाद येथे प्रशिक्षण शिबिर घेण्यात आले होते. अधिक माहितीसाठी गणेश कड यांच्याशी संपर्क साधावा असे आवाहन करण्यात आले आहे.