म. टा. प्रतिनिधी, औरंगाबाद
राज्य राखीव पोलिस दलाच्या २९व्या विभागीय क्रीडा स्पर्धेत अमरावती संघाने हॉकी व कबड्डी स्पर्धांमध्ये विजेतेपद पटाकावले.
सांघिक क्रीडा प्रकारांत अमरावती संघाने हॉकी स्पर्धेत जेतेपद मिळवले. पुणे संघाने उपविजेतेपद संपादन केले. बास्केटबॉल स्पर्धेत पुणे संघ विजेता ठरला. धुळे संघ उपविजेता ठरला. कबड्डी स्पर्धेत अमरावती संघाने अजिंक्यपद मिळवले. औरंगाबादचा संघ उपविजेता ठरला.
चारशे मीटर धावण्याच्या शर्यतीत नवी मुंबईच्या एस. व्ही. चव्हाणने प्रथम क्रमांक मिळवला. औरंगाबादच्या जी. एफ. सुलानेने द्वितीय तर नवी मुंबईच्या जी. टी. वाघने तृतीय क्रमांक मिळवला. पाच हजार मीटर धावण्यात गोंदियाच्या एस. जी. घारोटेने प्रथम, सोलापूरच्या बी. ए. कांबळेने द्वितीय तर नवी मुंबईच्या पी. एन. गहलेने तृतीय क्रमांक संपादन केला.
तिहेरी उडी प्रकारात पप्पू तोडकरने (पुणे) प्रथम, एस. व्ही. डोळसने द्वितीय (पुणे) तर नवी मुंबईच्या एम. व्ही. गाडेने तृतीय क्रमांक पटाकावला. व्ही. पी. खोपडे, एस. एन. बेनके, बी. एम. गुट्टे यांनी थाळीफेक प्रकारात यश संपादन केले. विविध स्पर्धांतील पदकविजेत्यांना समादेशक सुरेश माटे, डॉ. अक्षय शिंदे, जावेद अन्वर, गोविंद निजलेवार, मोहंमद इलियास शेख यांच्या हस्ते पदके प्रदान करण्यात आली.