म. टा. क्रीडा प्रतिनिधी, नागपूर
राष्ट्रसंत तुकडोजी महाराज नागपूर विद्यापीठातर्फे घेण्यात आलेल्या आंतरकॉलेज रस्सीखेच स्पर्धेत अंजुमन कॉलेजच्या संघाने वर्चस्व सिद्ध करत विजेतेपद पटकावले. गोंदिया येथील डी. बी. कॉलेजमध्ये पुरुष व महिला गटातील रस्सीखेच स्पर्धेचे आयोजन करण्यात आले होते.
अंतिम फेरीत अंजुमन कॉलेज ऑफ इंजिनीअरिंग अॅण्ड टेक्नॉलॉजी संघाने सुरुवातीपासूनच वर्चस्व राखत प्रतिस्पर्धी संघाला सहज पराभूत करत सातव्यांदा स्पर्धेचे विजेतेपद पटकावले, तर दुसरीकडे महिला गटातही अंजुमनच्या संघाने उत्कृष्ट कामगिरी करत विजेतेपद पटकावले. पुरुष संघाने अत्यंत एकतर्फी ठरलेल्या अंतिम लढतीत मोवाडच्या नगरपरिषद शिवाजी महाविद्यालयाच्या संघाला २-० असे पराभूत केले. त्यापूर्वी संघाने उपांत्य फेरीत गोंदियाच्या डी. बी. सायन्स कॉलेजचा पराभव करत अंतिम फेरीत प्रवेश केला. पुरुष गटातील विजेत्या संघात साजिद अली सय्यद (कर्णधार), प्रफुल्ल चरडे, एम वेश राझा, प्रतित अग्निहोत्री, शुभम विश्वकर्मा, आशुतोष मिश्रा, प्रशांत वासनिक, अजहर सुभेदार, तरुण एकसुरी, अनिकेत कापसे, अमनकुमार शाहा आदींचा समावेश होता.
स्पर्धेत संघांची कामगिरी
पुरुष- १)अंजुमन कॉलेज ऑफ इंजिनीअरिंग अॅण्ड टेक्नॉलॉजी. २)नगर परिषद शिवाजी महाविद्यालय, मोवाड. ३)डी. बी. सायन्स कॉलेज मोवाड
महिला-१)अंजुमन गर्ल्स डिग्री कॉलेज ऑफ आर्ट्स. २)डी. बी. सायन्स कॉलेज गोंदिया, ३)संत गाडगेबाबा महाविद्यालय, हिंगणा.
......