अन्वी घाटगे, वय फक्त २ वर्ष ११ महिने; ३ तासात सर केले कळसुबाई शिखर

कोल्हापूर: सह्याद्रीच्या पर्वतरांगा महाराष्ट्राला लाभलेले एक अनोखे वैभव गिर्यारोहकांसाठी तर ही एक अनोखी पर्वणीच याच सह्याद्री पर्वत रांगांमधील सर्वोच्च शिखर असलेल कळसुबाई शिखर ( kalsubai peak) सर करण्यासाठी अनेक गिर्यारोहक नेहमी जात असतात. मात्र या सर्व गिर्यारोहकांमध्ये अवघ्या २ वर्ष ११ महिन्याच्या अन्वी घाटगे (anvi ghatge) या कोल्हापूरच्या मातीतील चिमुकलीने लहान वयात कळसुबाई शिखर सर करण्याचा विक्रम केलाय.

कोल्हापुरच्या राजोपाध्ये नगरमध्ये राहणारे घाटगे कुटुंब. कुटुंबातील चेतन घाटगे आणि अनिता घाटगे जोडप्यांना गिर्यारोहण करण्याची प्रचंड आवड आणि हीच आवड त्यांची मुलगी अन्वी हिच्या मध्ये देखील आले. दोघांनी आपल्या चिमुकलीला गिर्यारोहणाच अस काही प्रशिक्षण दिलं की अवघ्या अडीच वर्षात ह्या चिमुकलीने वाढत जाणाऱ्या दाट धुख, वेगाने वाहणारा वारा, मुसळधार पाऊसात आईच्या हाताला धरून न थांबता अशा प्रतिकूल परिस्थितीत अन्वीने १६४६ मीटर उंचीचे कळसूबाई शिखर फक्त तीन तासात सर करत सर्वांत लहान गिर्यारोहक होण्याचा किताब पटकावला आहे.

वाचा- कोल्हापुरात मुसळधार पाऊस; पंचगंगा नदीच्या पातळीत झपाट्याने वाढ

अन्वी अवघ्या १८ महिन्याच्या असताना पहिल्यांदा तिने पावनखिंड मोहीम सर केली. त्यानंतर तिने सादळे मादळे डोंगर असो किंवा गगनबावडा तालुक्यातील मोरजाई डोंगर आणि गगनगिरी गडाच्या ५६० पायऱ्या ती अवघ्या २ वर्ष ६ महिन्याची असताना सर केली.

वाचा- आजरा तालुक्यातील रामतीर्थ धबधबा प्रवाहित; धबधब्याच्या सौंदर्याची पर्यटकांना भुरळ

यामुळे तिला महाराष्ट्रातील सर्वोच्च शिखर कळसुबाई सर करण्यासाठी तिच्या आई वडिलांनी तयार केले आणि अखेर आज ती कळसूबाई शिखर सर करण्यास यशस्वी ठरली आहे.