म. टा. प्रतिनिधी, औरंगाबाद
जालना जिल्हा अॅथलेटिक्स संघटनेतर्फे २७ जानेवारी रोजी जालना जिल्ह्याचा संघ निवडण्यासाठी निवड चाचणीचे आयोजन करण्यात आले आहे. जिल्हा परिषद कन्या प्रशालेच्या मैदानावर रविवारी सकाळी नऊ वाजता चाचणीस प्रारंभ होईल. या चाचणीतून राज्यस्तरीय युथ अॅथलेटिक्स अजिंक्यपद स्पर्धेसाठी जालना जिल्ह्याचा संघ निवडण्यात येणार आहे. अधिक माहितीसाठी जिल्हा सचिव डॉ. बाबु यादव, प्रमोद खरात यांच्याशी संपर्क साधावा, असे आवाहन करण्यात आले आहे.