ऑस्ट्रेलिया ४१६;
न्यूझीलंड ५/१०९ पर्थ : ऑस्ट्रेलियाने मालिकेतील पहिल्या कसोटी क्रिकेट सामन्यात न्यूझीलंडविरुद्ध पहिल्या डावात ४१६ धावा केल्या. यानंतर दुसऱ्या दिवसअखेर न्यूझीलंडची ५ बाद १०९ अशी अवस्था केली होती. ऑस्ट्रेलियाकडून लबुशेनने २४० चेंडूंत १८ चौकार व १ षटकारसह १४३ धावा केल्या. ट्रॅव्हिस हेडने ९७ चेंडूंत १० चौकारांसह ५६ धावा करून त्याला चांगली साथ दिली. कर्णधार टिम पेनने ३९ धावा करून ऑस्ट्रेलियाला चारशे धावांचा टप्पा ओलांडून दिला. यानंतर स्टार्कने भेदक मारा करून न्यूझीलंडला धक्के दिले. यात स्मिथने विल्यमसनचा अप्रतिम झेल टिपला. स्कोअरबोर्ड : ऑस्ट्रेलिया : पहिला डाव- १४६.२ षटकांत सर्व बाद ४१६ (लबुशेन १४३, हेड ५६, पेन ३९, स्टार्क ३०, साउदी ४-९३, वॅग्नर ४-९२) वि. न्यूझीलंड : पहिला डाव - ३२ षटकांत ५ बाद १०९ (टेलर खेळत आहे ६६, विल्यमसन ३४, स्टार्क ४-३१).