मुंबई : १४ वर्षांखालील मुलांच्या गाइल्स शिल्ड क्रिकेट स्पर्धेत आयईएस व्हीएन सुळे गुरुजी शाळेच्या आयुष म्हात्रेने नाबाद २०७ धावांची खेळी केली. स्प्रिंगफिल्ड हायस्कूलच्या सिद्धार्थ राय यानेही २११ धावांची खेळी करून सर्वांचे लक्ष वेधून घेतले. त्याशिवाय लिलावती पोदार हायस्कूलचा हर्षिल राठी (१२९), आरव अडवाणी (१०४), विब्ग्योरचा राघव कलानी ना. १५१, अंजुमन इस्लाम उर्दूचा अब्दुल आहद १५०, रयान इंटरनॅशनल, चेंबूरचा आरव कुलकर्णी (१२१) यांनीही शतकी खेळी करून दिवस गाजवला. त्यात सुळे गुरुजीच्या आर्य पंडितने ८-२८ आणि ग्यान केंद्रच्या शिवम सिंगने ८-१५ अशी दमदार गोलंदाजीही केली.
आयुष, सिद्धार्थची द्विशतके
१४ वर्षांखालील मुलांच्या गाइल्स शिल्ड क्रिकेट स्पर्धेत आयईएस व्हीएन सुळे गुरुजी शाळेच्या आयुष म्हात्रेने नाबाद २०७ धावांची खेळी केली...
महाराष्ट्र टाइम्स.कॉम 13 Dec 2019, 4:00 am