घरगुती खेळांना आले ‘अच्छे दिन’

नवी दिल्लीः करोनामुळे लोकांना घरातच बसावे लागत असल्यामुळे जुन्या घरगुती खेळांना पुन्हा मागणी वाढली आहे. घरबसल्या लोक अशा खेळांचा आनंद घेत करोनाच्या संकटाचा प्रतिकार करण्याचा प्रयत्न करत आहेत. भारताचे पंतप्रधान नरेंद्र मोदी यांनी आपल्या 'मन की बात' या जनसंवादात अशा खेळांचा उल्लेख करून या खेळांची दखल घेतली.

वाचा- सर्वाधिक चेंडू खेळलेले टॉप ५ फलंदाज; हा भारतीय अव्वल स्थानी!

रेडिओवरील या कार्यक्रमात मोदी यांनी म्हटले की, सध्या पारंपरिक अशा घरगुती खेळांना नवा साज चढला आहे. करोनाच्या या लॉकडाउनच्या काळात हे पारंपरिक खेळ लोकप्रिय होऊ लागले आहेत. एकप्रकारे देशी गोष्टींबद्दल आग्रही राहण्याचा जो प्रयत्न आहे, त्याला दिलेली ही साथ आहे.

वाचा- सचिनचा 'गुगली ऑफ द सेंचुरी'; फिरकीपटूंचे डोळे उघडले!

मोदी म्हणाले की, भारतात अशा पारंपरिक घरगुती खेळांची मोठी परंपरा आहे. पचिसी, तामिळनाडूतील पल्लानगुली, कर्नाटकमधील अली गुली माने, आंध्रमधील वामन गुंटलू हे सगळे एकप्रकारचे खेळ आहेत. वेगवेगळ्या नावांनी ते खेळले जातात. सध्या अभ्यासही ऑनलाइन केला जात असताना मुलांना अशा खेळांकडे वळविले पाहिजे.

वाचा- निवृत्तीच्या आधी धोनी करणार 'हे' काम; असा आहे प्लॉन

मोदी यांनी मोक्ष पतम, परम पदम, गुट्टा या खेळांचाही उल्लेख केला. अशा खेळांना कोणत्याही क्रीडासाहित्याची आवश्यकता नाही. घरच्या घरी खेळणे अत्यंत सोपे असते. असे खेळ केवळ प्रौढांमध्येच नव्हेत तर लहान मुलांमध्येही आवडते आहेत. पाच दगडांच्या या खेळात एक दगड वर उडवून खाली ठेवलेले दगड हाताने गोळा करायचे आणि नंतर वर उडवलेला दगडही झेलायचा, याचा उल्लेख पंतप्रधानांनी केला.