नागपूरः हरवलेला फॉर्म परत मिळवलेल्या अजय कुमारच्या उत्कृष्ट खेळाच्या जोरावर बंगळुरू बुल्स संघाची घसरलेली गाडी पुन्हा एकदा रुळावर आणली. नव्या होम ग्राऊंडवरील पाचव्या लढतीत दुसरा विजय मिळवताना बंगाल वॉरियर्सचा ३१-२५ असा सहा गुणांनी पराभव केला. पहिल्या सामन्यात विजय मिळवल्यानंतर बंगळुरुला दोन सामन्यात पराभव तर एक सामना बरोबरीत सुटला होता. दरम्यान बंगालचा हा तीन सामन्यातल पहिला पराभव होता.
मध्यांतरापर्यंत केवळ दोन आघाडी असलेल्या बंगळुरु बुल्सने अधिक आक्रमक व नियोजनबद्ध खेळ करत बंगाल वॉरियर्सवर चांगला दबाव निर्माण केला. दुसरया सत्राच्या खेळात १४-१३ अशी आघाडी असताना बंगळुरु संघावर लोण चढला. त्यामुळे बंगालला दोन गुणांची आघाडी मिळाली. पण, ही वॉरियर्सला फार काळ टिकवता आली नाही. बंगळुरुच्या अजय कुमारने त्यानंतर केलेल्या पहिल्याच चढाईत वॉरियर्सचे चार खेळाडू बाद करत संघाला तीन गुणांची आघाडी मिळवून दिली. त्यानंतर आणखी दोन चांगल्या पकडी करत बुल्सने वॉरियर्स संघावर लोण चढविला आणि २४-१८ अशी आघाडी घेतली. गेल्या तीन सामन्यांमध्ये विशेष फॉर्म मध्ये नसलेल्या अजय कुमारला आजच्या सामन्यात चांगलाच सूर गवसला व त्याने तब्बल १९ चढायांमध्ये आठ गुण नोंदवत संघाला विजय मिळवून देण्यात महत्वाची भूमिका बजावली. बंगालचा स्टार रेडर जँग कुन ली याला आजच्या लढतीत फारशी चमक दाखवता आली नाही.
त्यापूर्वी, बंगळुरु बुल्सचा कर्णधार रोहित कुमारने बंगाल वॉरियर्सवर केलेल्या पहिल्याच चढाईत दोन मिळवून संघाचे खाते उघडून दिले. रोहितच्या चढाईपासून बचाव करण्यासाठी बंगालचे जॅंग कुन ली व श्रीकांत तेवथियाने मागची रेष ओलांडल्याने दोघांनाही बाद ठरवण्यात आले. मध्यांतराच्या खेळात बंगळुरु बुल्सला सुरुवातीला आघाडी घेतली. मात्र, बंगालकडून काही चांगल्या पकडी व मनिंदर सिंगने केलेल्या दोन चढाईमध्ये चार गुण पटकावत बंगालला एका गुणाची आघाडी मिळवून दिली होती. त्यामुळे बंगळुरु संघावर लोण चढतो की काय असे वाटत होते. पण रोहित कुमार हा एकटाच शिल्लक असताना त्याने जॅंग कुन लीची चढाई एकट्यानेच रोखली व लोण चढू दिला नाही.
मध्यांतरापर्यंत केवळ दोन आघाडी असलेल्या बंगळुरु बुल्सने अधिक आक्रमक व नियोजनबद्ध खेळ करत बंगाल वॉरियर्सवर चांगला दबाव निर्माण केला. दुसरया सत्राच्या खेळात १४-१३ अशी आघाडी असताना बंगळुरु संघावर लोण चढला. त्यामुळे बंगालला दोन गुणांची आघाडी मिळाली. पण, ही वॉरियर्सला फार काळ टिकवता आली नाही. बंगळुरुच्या अजय कुमारने त्यानंतर केलेल्या पहिल्याच चढाईत वॉरियर्सचे चार खेळाडू बाद करत संघाला तीन गुणांची आघाडी मिळवून दिली. त्यानंतर आणखी दोन चांगल्या पकडी करत बुल्सने वॉरियर्स संघावर लोण चढविला आणि २४-१८ अशी आघाडी घेतली. गेल्या तीन सामन्यांमध्ये विशेष फॉर्म मध्ये नसलेल्या अजय कुमारला आजच्या सामन्यात चांगलाच सूर गवसला व त्याने तब्बल १९ चढायांमध्ये आठ गुण नोंदवत संघाला विजय मिळवून देण्यात महत्वाची भूमिका बजावली. बंगालचा स्टार रेडर जँग कुन ली याला आजच्या लढतीत फारशी चमक दाखवता आली नाही.
त्यापूर्वी, बंगळुरु बुल्सचा कर्णधार रोहित कुमारने बंगाल वॉरियर्सवर केलेल्या पहिल्याच चढाईत दोन मिळवून संघाचे खाते उघडून दिले. रोहितच्या चढाईपासून बचाव करण्यासाठी बंगालचे जॅंग कुन ली व श्रीकांत तेवथियाने मागची रेष ओलांडल्याने दोघांनाही बाद ठरवण्यात आले. मध्यांतराच्या खेळात बंगळुरु बुल्सला सुरुवातीला आघाडी घेतली. मात्र, बंगालकडून काही चांगल्या पकडी व मनिंदर सिंगने केलेल्या दोन चढाईमध्ये चार गुण पटकावत बंगालला एका गुणाची आघाडी मिळवून दिली होती. त्यामुळे बंगळुरु संघावर लोण चढतो की काय असे वाटत होते. पण रोहित कुमार हा एकटाच शिल्लक असताना त्याने जॅंग कुन लीची चढाई एकट्यानेच रोखली व लोण चढू दिला नाही.