मुंबई : मुंबईची आंतरराष्ट्रीय कॅरमपटू संगीता चांदोरकर हिच्या कॅरम अकादमीचे स्वातंत्र्यदिनी उद्घाटन झाले. महाराष्ट्र कामगार कल्याण मंडळाचे सहाय्यक कल्याण आयुक्त नंदलाल राठोड, कल्याण अधिकारी संतोष साबळे, महाराष्ट्र कॅरम असोशिएशनचे कार्यवाह अरुण केदार, डॉ. महेश शिर्के यांच्या प्रमुख उपस्थितीत नायगाव येथे ही अकादमी सुरू झाली. मुंबईच्या कामगार विभागातून ज्युनियर कॅरमपटू घडविण्यासाठी कटिबध्द असल्याचे यावेळी भारतीय रिझर्व्ह बँकेची अव्वल महिला कॅरमपटू संगीताने उद्घाटनप्रसंगी सांगितले. महाराष्ट्र कामगार कल्याण मंडळाच्या सहकार्याने या अकादमीत ज्युनियर मुलामुलींना मोफत मार्गदर्शन लाभणार आहे. विख्यात कॅरमपटू व प्रशिक्षक दशरथ येलवे यांचे कॅरम अकादमी स्थापन करण्याचे स्वप्न साकारण्याचा हेतू या उपक्रमामागे आहे. नायगाव-दादर येथील महाराष्ट्र कामगार कल्याण मंडळ, ललित कला भवनमधील क्रीडागृहात १० ते १८ वर्षे वयोगटातील मुला-मुलींसाठी विनामूल्य कॅरम वर्ग घेण्यात येणार आहेत. पहिल्याच दिवशी ५२ ज्युनियर खेळाडूंनी अकादमीत प्रवेश नोंदविला.
चांदोरकर कॅरम अकादमी सुरू
मुंबईची आंतरराष्ट्रीय कॅरमपटू संगीता चांदोरकर हिच्या कॅरम अकादमीचे स्वातंत्र्यदिनी उद्घाटन झाले...
Maharashtra Times 18 Aug 2018, 4:00 am