श्रेयस, सिद्धेश, राशी, आदित्य विजेते
मुंबई : चेस व्हिजनने आयोजित केलेल्या आणि रुस्तमजी पुरस्कृत जलद बुद्धिबळ स्पर्धेत १५ वर्षांखालील गटात श्रेयस घाडीने ६ गुणांसह पहिला क्रमांक पटकाविला तर १२ वर्षांखालील गटात राशी चौहानने (५.५) पहिले स्थान मिळविले. १०, ८ वर्षांखालील गटात अनुक्रमे सिद्धेश देसाई (५.५) आणि आदित्य पाटील (६) यांनी पहिला क्रमांक मिळविला. वरळी येथील बिर्ला सेंच्युरियन येथे झालेल्या या स्पर्धेत शहर आणि उपनगरातील १८० शाळांची मुले सहभागी झाली होती. नितीन कांबळे आणि विहंग कुलकर्णी यांच्या देखरेखीखाली या स्पर्धेचे आयोजन करण्यात आले होते. १५ वर्षांखालील गटात कृष्णा भट, दिवित तोष्णीवाल, विशेष कुमार यांनी दुसरा, तिसरा आणि चौथा क्रमांक मिळविला. १२ वर्षांखालील गटात हे क्रमांक श्लोक जव्हेरी, ध्रुव कपाडिया, अभिलाषा चौधरी दर्श शेट्टी, १० वर्षांखालील गटात पार्थ शहा, वरुण वसुदेव, तर ८ वर्षांखालील गटात आरुष विज, विरेश विरकर, रुद्र कंडपाल यांनी पटकाविले.