सेंट मायकल स्कूल,
आर्मी स्कूलचा विजय
पुणे : सेंट मायकल स्कूल, आर्मी पब्लिक स्कूल या संघांनी मॅक्सिमस स्पोर्ट्स अ‍ॅकॅडमी आणि शिवाजीयन्स स्पोर्ट्स क्लब यांच्यातर्फे आयोजित फिरोदीया-शिवाजीयन्स आंतरशालेय फुटबॉल स्पर्धेत आपापल्या प्रतिस्पर्ध्यावर विजय नोंदविला.
अहमदनगर कॉलेजच्या ग्राउंडवर ही स्पर्धा सुरू आहे. १२ वर्षाखालील गटात हर्षवर्धन बी. याने केलेल्या दोन गोलच्या जोरावर सेंट मायकल स्कूल संघाने तक्षिला स्कूलचा २-० असा सहज पराभव केला. विमलने नोंदविलेल्या हॅट्‌‌ट्रिकच्या जोरावर आर्मी पब्लिक स्कूलने ऑक्सिलियम कॉन्व्हेंट स्कूलचा ३-० असा पराभव केला.
चौदा वर्षांखालील मुलांच्या गटात सेक्रेड हार्ट कॉन्व्हेंट आणि विखे पाटील इंग्लिश मिडीयम स्कूल या संघांतील सामना गोलशून्य बरोबरीत सुटला. १६ वर्षाखालील मुलांच्या गटातही सेक्रेड हार्ट कॉन्व्हेंट आणि कर्नल प्रॉबस् स्कूल यांच्यातील सामना गोलशून्य बरोबरीत सुटला.