वृत्तसंस्था, माद्रिद
ख्रिस्तिआनो रोनाल्डोने इंज्युरी टाइममध्ये पेनल्टीवर केलेल्या गोलमुळे रियाल माद्रिदने चॅम्पियन्स लीग फुटबॉल स्पर्धेच्या उपांत्यपूर्व फेरीत युव्हेंटसवर मात करून उपांत्य फेरीत प्रवेश केला. दुसऱ्या उपांत्यपूर्व सामन्यात बायर्न म्युनिचने सेव्हिलाला पराभूत केले.
गुरुवारी झालेला सामना युव्हेंटसने ३-१ अशा गोलफरकाने जिंकला असला, तरी उपांत्यपूर्व फेरीतील दोन्ही सामन्यांमधील गोलची बेरीज करता रियालने ४-३ अशी आघाडी घेतली. युव्हेंटस-रियाल माद्रिद यांच्यातील पहिला उपांत्यपूर्व सामना रियालने ३-० अशा गोलफरकाने जिंकला होता. त्यामुळे युव्हेंटसला परतीच्या उपांत्यपूर्व सामना तीन किंवा त्याहून अधिक गोलफरकाने जिंकावा लागणार होता. त्यानुसार, गुरुवारी सँटिआगो बर्नबाऊ या माद्रिदच्या घरच्या मैदानावर युव्हिेंटसने ३-० अशी आघाडीही घेतली होती. युव्हेंटसकडून पूर्वार्धात मारिओ मँड्झुकिकने हेडरद्वारे दोन (२ मि. व ३७ मि.) गोल केले, तर उत्तरार्धात ब्लेस मॅटुइदीने ६१ व्या मिनिटास गोल नोंदवला.
त्यानंतर निर्धारित वेळात रियालला गोल नोंदवण्यात यश आले नाही. स्टॉपेज टाइममध्ये ९३ व्या मिनिटास रियालचा व्हॅझक्वेझ गोल करण्याच्या प्रयत्नात असताना युव्हेंटसच्या मेधी बेनाटियाने त्याला लाथ मारून पाडले. या कारणास्तव रेफ्रींनी रियालला पेनल्टी दिली. रेफ्रींच्या या निर्णयाविरोधात हुज्जत घातल्यामुळे युव्हेंटसचा गोलरक्षक जिआनलुईजी ब्युफॉनला रेड कार्डही देण्यात आले. या पेनल्टीवर रोनाल्डोने कोणतीही चूक न करता चेंडू गोलजाळ्यात धाडला आणि संघाला उपांत्य फेरीत पोहचवले. उपांत्य फेरीचा ड्रॉ व तारखा शुक्रवारी निश्चित होतील.
बायर्न उपांत्य फेरीत
म्युनिच : बायर्न म्युनिचने घरच्या मैदानावर गुरुवारी झालेल्या दुसऱ्या उपांत्यपूर्व सामन्यात सेव्हिला संघास गोलशून्य बरोबरीत रोखले. हा दोन्ही संघांमधील पहिला उपांत्यपूर्व सामना बायर्नने २-१ असा जिंकला होता. त्यामुळे त्या आघाडीच्या जोरावर बायर्नने उपांत्य फेरीतील प्रवेश निश्चित केला.
ख्रिस्तिआनो रोनाल्डोने इंज्युरी टाइममध्ये पेनल्टीवर केलेल्या गोलमुळे रियाल माद्रिदने चॅम्पियन्स लीग फुटबॉल स्पर्धेच्या उपांत्यपूर्व फेरीत युव्हेंटसवर मात करून उपांत्य फेरीत प्रवेश केला. दुसऱ्या उपांत्यपूर्व सामन्यात बायर्न म्युनिचने सेव्हिलाला पराभूत केले.
गुरुवारी झालेला सामना युव्हेंटसने ३-१ अशा गोलफरकाने जिंकला असला, तरी उपांत्यपूर्व फेरीतील दोन्ही सामन्यांमधील गोलची बेरीज करता रियालने ४-३ अशी आघाडी घेतली. युव्हेंटस-रियाल माद्रिद यांच्यातील पहिला उपांत्यपूर्व सामना रियालने ३-० अशा गोलफरकाने जिंकला होता. त्यामुळे युव्हेंटसला परतीच्या उपांत्यपूर्व सामना तीन किंवा त्याहून अधिक गोलफरकाने जिंकावा लागणार होता. त्यानुसार, गुरुवारी सँटिआगो बर्नबाऊ या माद्रिदच्या घरच्या मैदानावर युव्हिेंटसने ३-० अशी आघाडीही घेतली होती. युव्हेंटसकडून पूर्वार्धात मारिओ मँड्झुकिकने हेडरद्वारे दोन (२ मि. व ३७ मि.) गोल केले, तर उत्तरार्धात ब्लेस मॅटुइदीने ६१ व्या मिनिटास गोल नोंदवला.
त्यानंतर निर्धारित वेळात रियालला गोल नोंदवण्यात यश आले नाही. स्टॉपेज टाइममध्ये ९३ व्या मिनिटास रियालचा व्हॅझक्वेझ गोल करण्याच्या प्रयत्नात असताना युव्हेंटसच्या मेधी बेनाटियाने त्याला लाथ मारून पाडले. या कारणास्तव रेफ्रींनी रियालला पेनल्टी दिली. रेफ्रींच्या या निर्णयाविरोधात हुज्जत घातल्यामुळे युव्हेंटसचा गोलरक्षक जिआनलुईजी ब्युफॉनला रेड कार्डही देण्यात आले. या पेनल्टीवर रोनाल्डोने कोणतीही चूक न करता चेंडू गोलजाळ्यात धाडला आणि संघाला उपांत्य फेरीत पोहचवले. उपांत्य फेरीचा ड्रॉ व तारखा शुक्रवारी निश्चित होतील.
बायर्न उपांत्य फेरीत
म्युनिच : बायर्न म्युनिचने घरच्या मैदानावर गुरुवारी झालेल्या दुसऱ्या उपांत्यपूर्व सामन्यात सेव्हिला संघास गोलशून्य बरोबरीत रोखले. हा दोन्ही संघांमधील पहिला उपांत्यपूर्व सामना बायर्नने २-१ असा जिंकला होता. त्यामुळे त्या आघाडीच्या जोरावर बायर्नने उपांत्य फेरीतील प्रवेश निश्चित केला.