सिरिल, अश्मिता जेते
हैदराबाद : सिरिल वर्मा आणि अश्मिता चलिहा यांनी अखिल भारतीय वरिष्ठ गटाच्या मानांकन बॅडमिंटन स्पर्धेत जेतेपद पटकावले. हैदराबादेतील पुलेला गोपिचंद अकादमीत पार पडलेल्या या स्पर्धेच्या अंतिम लढतीत सिरिलने पुरुष गटात सौरभ वर्माचे कडवे आव्हान १८-२१, २१-१६, २१-८ असे परतवून लावले, तर महिला गटात अश्मिता चलिहाने साई उत्तेजिता राव हिची झुंज २१-१६, १४-२१, २१-१५ अशी मोडून काढली. दुहेरीचे निकाल : महिला : अपर्णा बालन-श्रुती केपी विजयी वि. संयोगिता घोरपडे-प्राजक्ता सावंत १९-२१, २१-१९, २१-१८. मिश्र : नंदगोपाल के-संजना संतोष विजयी वि. ध्रुव कपिला-मेघना जक्कमपुडी २१-१६, १३-२१, २१-१७. पुरुष दुहेरी : कृष्णाप्रसाद जी-ध्रुव कपिला विजयी वि. अरुण जॉर्ज-सन्यम शुक्ल २४-२२, २१-१३.