दत्तू भोकनाळ अंतिम फेरीत

रोइंग

पालेम्बांग : भारताच्या दत्तू भोकनाळने आशियाई क्रीडा स्पर्धेतील रोइंगच्या सिंगल स्कल्सच्या अंतिम फेरीत प्रवेश केला आहे. त्याचबरोबर पुरुषांच्या लाइटवेट फोर संघालाही पदकाची संधी आहे.

पुरुषांच्या सिंगल स्कल्स रिपेचेजच्या हिट-१मध्ये दत्तू भोकनाळने ७ मिनिटे ४५.७१ सेकंद अशी वेगवान वेळ नोंदवून अव्वल स्थान मिळवले आणि अंतिम फेरीतील प्रवेश निश्चित केला. यानंतर पुरुषांच्या लाइटवेट फोर रिपेचेजच्या हिटमध्ये भारताच्या भोपालसिंग, जगविरसिंग, तेजस शिंदे, प्रणय नौकारकर या चौकडीने ६ मिनिटे ५१.८८ सेकंद वेळ नोंदवली आणि दुसरे स्थान मिळवून अंतिम फेरी गाठली. या स्पर्धेची अंतिम लढत २३ ऑगस्टला होणार आहे. यानंतर महिलांच्या 'पेअर'मध्ये डुंग डुंग संजुक्ता आणि हरप्रीत कौर यांनी ८ मिनिटे ५४.६८ सेकंद वेळ नोंदवून तिसरे स्थान मिळवून अंतिम फेरी गाठली.