नॉर्थ साउंड (अँटिग्वा) : अखेरपर्यंत रोमहर्षक झालेल्या लढतीत भारतीय संघाला आयसीसी महिलांच्या वन-डे अजिंक्यपद स्पर्धेत वेस्ट इंडिजकडून अवघ्या एका धावेने पराभव पत्करावा लागला. विंडीजने दिलेल्या २२६ धावांच्या लक्ष्याचा पाठलाग करताना भारताचा डाव २२४ धावांत आटोपला. प्रिया पुनिया हिने १०७ चेंडूंत ७५, तर जेमिमा रॉड्रिगेज हिने ६७ चेंडूंत ४१ धावा करून भारताला चांगली सुरुवात मिळवून दिली होती. मात्र, या चांगल्या सुरुवातीचा फायदा इतरांना घेता आला नाही. भारताचा डाव ६ बाद २०९ वरून २२४ धावांत आटोपला. अखेरच्या षटकांत भारताला ९ धावा करता आल्या नाहीत. या दोन्ही संघांतील दुसरी वन-डे रविवारी होणार आहे. स्कोअरबोर्ड : वेस्ट इंडिज - ५० षटकांत ७ बाद २२५ (स्टॅफनी टेलर ९४, नताशा मॅकलीन ५१, चेडीन नेशन ४३, शिखा पांडे २-३८, दीप्ती शर्मा २-४१, झूलन गोस्वामी १-४६, एकता बिश्त १-४५, पूनम यादव १-३६) वि. वि. भारत - ५० षटकांत सर्वबाद २२४ (प्रिया पुनिया ७५, जेमिमा रॉड्रिगेज ४१, पूनम राऊत २२, मिताली राज २०, अनिसा महंमद ५-४६).
भारतीय महिलांचाएका धावेने पराभव
अखेरपर्यंत रोमहर्षक झालेल्या लढतीत भारतीय संघाला आयसीसी महिलांच्या वन-डे अजिंक्यपद स्पर्धेत वेस्ट इंडिजकडून अवघ्या एका धावेने पराभव पत्करावा लागला...
महाराष्ट्र टाइम्स.कॉम 3 Nov 2019, 4:00 am