मुंबई : राज्यभरातील तरुण, होतकरू खेळाडूंसाठी आणि क्रीडाप्रेमींसाठी विशेष आकर्षण ठरणारा 'डेरवण यूथ गेम्स २०२०' हा क्रीडा महोत्सव यंदा ५ ते १२ मार्चदरम्यान चिपळूणनजिकच्या डेरवण येथे रंगणार आहे. विविध वयोगटातील खेळाडूंसाठी अनेक खेळांच्या स्पर्धा येथे आयोजित करण्यात आल्या आहेत. श्रीशिवछत्रपती पुरस्कारविजेते बॅडमिंटनपटू डॉ. अतुल बिनीवाले आणि जिम्नॅस्ट मधुरा तांबे यांच्या हस्ते क्रीडा महोत्सवाचे उद्घाटन ५ मार्चला तर महोत्सवाचा समारोप १२ मार्च रोजी अर्जुन पुरस्कार विजेते टेबलटेनिसपटू कमलेश मेहता यांच्या प्रमुख उपस्थितीत होईल. श्री विठ्ठलराव जोशी चॅरिटीज ट्रस्टच्या वतीने शिवजयंतीच्या निमित्ताने एसव्हीजेसीटी क्रीडा संकुलात या क्रीडा महोत्सवाचे आयोजन करण्यात येते. यंदा या स्पर्धेचे सहावे वर्ष आहे. अॅथलेटिक्स, नेमबाजी, बॅडमिंटन, बास्केटबॉल, कॅरम, बुद्धिबळ, फुटबॉल, जिम्नॅस्टीक्स, कबड्डी, खो-खो, लंगडी, मल्लखांब, जलतरण, टेबलटेनिस, व्हॉलीबॉल, वॉल क्लायम्बिंग, योग अशा क्रीडा प्रकारांतील स्पर्धा येथे होतील. ८ ते १८ या वयोगटातील खेळाडू यात सहभागी होतील. संपर्क - ९८२२६३९३०६
'डेरवण यूथ गेम्स' मार्चमध्ये
राज्यभरातील तरुण, होतकरू खेळाडूंसाठी आणि क्रीडाप्रेमींसाठी विशेष आकर्षण ठरणारा 'डेरवण यूथ गेम्स २०२०' हा क्रीडा महोत्सव यंदा ५ ते १२ मार्चदरम्यान ...
महाराष्ट्र टाइम्स.कॉम 15 Feb 2020, 4:00 am