म. टा. प्रतिनिधी, औरंगाबाद
औरंगाबाद जिल्हा अॅथलेटिक्स संघटनेतर्फे २० मे रोजी अॅथलेटिक्स पंच परीक्षेचे आयोजन करण्यात आले आहे.
डॉ. बाबासाहेब आंबेडकर मराठवाडा विद्यापीठाच्या क्रीडा विभागामध्ये पंच परीक्षा होणार आहे. या परीक्षेसाठी बारावी उत्तीर्ण असणे गरजेचे आहे. ही परीक्षा तीन सत्रात घेतली जाणार आहे. सकाळी दहा ते दोन या वेळेत थेअरी व दुपारी चार ते सहा या वेळेत लेखी व प्रात्यक्षिक परीक्षा होईल. नाव नोंदणी १८ मेपर्यंत करणे आवश्यक आहे. अधिक माहितीसाठी अनिल निळे यांच्याशी संपर्क साधावा, असे आवाहन जिल्हा अॅथलेटिक्स संघटनेचे सचिव डॉ. फुलचंद सलामपुरे यांनी केले आहे.