मुंबई : मॅरेथॉन, जलतरण, सायकलिंग अशा विविध खेळांची आवड जोपासणाऱ्या डॉ. स्वरूप पुराणिक यांनी दुसऱ्यांदा आयर्न मॅन नॉर्थ अमेरिका अजिंक्यपद स्पर्धा यशस्वीरित्या पूर्ण केली. टेक्सास येथे ही स्पर्धा झाली. त्यात ४००० मीटर खुल्या समुद्रात जलतरण, १८० किमी सायकलिंग व ४२ किमी धावणे असे प्रकार कुठेही न थांबता १६ तासात पूर्ण केले. याआधी फेब्रुवारीत त्यांनी दुबईत आयर्न मॅन ही स्पर्धा यशस्वीरित्या पूर्ण केली होती. ही आव्हानात्मक स्पर्धा पूर्ण करण्याचे प्रमाण ०.१ टक्के इतके असते. डी. वाय. पाटील विद्यापीठात संचालक असलेल्या स्वरूप यांनी जलतरण (१तास २७.३६ मिनिटे), सायकलिंग (७ तास ९.२९ मिनिटे) व धावणे (७ तास ३५.४३ मिनिटे) अशी कामगिरी नोंदविली. टेबलटेनिस, बॅडमिंटन, कबड्डी अशा खेळातही ते स्थानिकस्तरावर खेळले आहेत.
स्वरूप पुराणिकचे आयर्नमॅन यश
मॅरेथॉन, जलतरण, सायकलिंग अशा विविध खेळांची आवड जोपासणाऱ्या डॉ...
MT 29 May 2019, 4:00 am