लाइन जजचे अस्तित्व संपणार?

लंडनः टेनिसच्या सामन्यांमधील ‘लाइन जज’चे अस्तित्व संपण्याची भीती आहे. यंदा मायामी येथे एटीपीतर्फे ‘नेक्स्ट जनरेशन फायनल्स’ या स्पर्धेचे आयोजन होते आहे. या स्पर्धेत नव्या पिढीतील उदयोन्मुख टेनिसपटू झुंजणार आहेत. या स्पर्धेसाठी लाइन जजऐवजी इलेक्ट्रॉनिक लाइन कॉल्सचा वापर होणार आहे.

यामुळे एटीपीच्या स्पर्धांमध्ये प्रथमच फक्त चेअर अम्पायर पंचगिरी करताना दिसतील; कारण ‘हॉक-आय लाइव्ह’ या तंत्रज्ञानाने चेंडू रेषेच्या बाहेर आहे की नाही हे पडताळले जाणार आहे. खेळाडूंच्या ‘फूट फॉल्टवर’ कॅमेऱ्याने नजर ठेवली जाईल.

‘नेक्स्ट जनरेशन फायनल्स’ या स्पर्धेत २१ वर्षे अन् त्याखालील रँकिंगमधील अव्वल आठ टेनिसपटू भाग घेणार आहेत. बऱ्याचदा खेळाडू लाइन जजच्या निर्णायवर नाराज दिसतात. अशी नाराजी या निमित्ताने थांबेल, असेही म्हटले जाते आहे. याबाबत एटीपीच्या नियम आणि स्पर्धा विभागाचे उपाध्यक्ष गेल डेव्हिड ब्रॅडशॉ म्हणाले की, ‘हा टेनिसमधील महत्त्वाचा निर्णय ठरेल. आपले खेळाडू सामने जिंकण्यासाठी प्रचंड मेहनत घेतात. त्यांना अचूक निर्णय मिळालेच पाहिजेत. तसे वातावरण आम्हाला निर्माण करायचे आहे’.

काय होईल

१)लवकरच आंतरराष्ट्रीय क्रिकेटमध्ये ग्लोबल लीग क्रिकेट सुरू होणार असल्याने दोन देशांमध्ये खेळल्या जाणाऱ्या मालिका तीन सामन्यांपेक्षा मोठ्या नसण्याची शक्यता आहे.

२) नव्याने प्रस्तावित केलेल्या ग्लोबल वनडे क्रिकेट लीगमध्ये जगभरातील १३ संघांचा सहभाग असेल. त्यामुळे दोन संघांमधील मालिकेचे वेळापत्रक आटोपते घ्यावे लागेल.

३) नव्याने प्रस्तावित वनडे लीग स्पर्धेमध्ये प्रत्येक संघाला मायदेशी सहा सामने खेळावे लागणार असून सहा सामने परदेशांमध्ये होणार आहेत.