भुवनेश्वर: सॅम वॉर्डने केलेल्या शानदार दोन गोलांच्या जोरावर इंग्लंडने आज भारतीय संघाला ३-२ ने नमवत हॉकी वर्ल्ड लीग फायनलमध्ये आपला पहिला विजय नोंदवला. लीगमधील आपल्या पहिल्याच मुकाबल्यात इंग्लंडला जर्मनीकडून ०-२ असा पराभव पत्करावा लागला होता. मात्र भारताविरुद्ध झाेलेल्या पुढच्याच लढतीत इंग्लंडने चांगल्या खेळाचे प्रदर्शन करत शानदार विजय प्राप्त केला.
इग्लंडने सामन्याच्या सुरूवातीपासूनच आपला दबदबा कायम राखला होता. २५ व्या मिनिटालाच डेव्हिड गुडफील्डने केलेल्या गोलमुळे इंग्लंडने आघाडी मिळवली. डेव्हिडने शानदार शॉटद्वारे टोलवलेला चेंडू गोलकीपर सूरजला चकवा देत गोलमध्ये विसावला. आजच्या सामन्यात भारतीय कर्णधार हरमनप्रीत सिंहच्या चुकीमुळे इंग्लंडला आणखी एक सफलता मिळाली. तो एक हवेत उसळलेला चेंडू अडवण्यात अयशस्वी ठरला आणि इग्लंडचा स्कोअर २-० असा झाला.
४५ मिनिटांनंतर भारतीय संघ ०-२ असा पिछाडीवर होता. संधी मिळाल्यानंतर तिचे सोने करण्याची किमया भारतीय संघाला साधणे गरजेचे होऊन बसले होते. अशात आकाशदीप सिंहने रिबाउंडवर भारतीय संघाचा पहिला गोल केला. यानंतर रुपिंदरपाल सिंहने ५०व्या मिनिटाला पेनल्टी कॉर्नरचा फायदा घेत दुसरा गोल केला आणि स्कोअर २-२ असा बरोबरीत आणला.
सामन्यात पुढे विशेष प्रगती होताना दिसत नसल्याने भारताचा हा दुसरा सामना देखील अनिर्णीत राहिल की काय, अशीच स्थिती दिसू लागली होती. मात्र शेवटी सॅम वॉर्डने ५६व्या मिनिटाला गोल करत इंग्लंडचा स्कोअर ३-२ असा केला आणि इंग्लंडने विजयावर शिक्कामोर्तब केले.
भारताचा लीगमधील ऑस्ट्रेलियाविरुद्धचा आपला पहिला सामना काल १-१ असा अनिर्णीत राहिला होता.
इग्लंडने सामन्याच्या सुरूवातीपासूनच आपला दबदबा कायम राखला होता. २५ व्या मिनिटालाच डेव्हिड गुडफील्डने केलेल्या गोलमुळे इंग्लंडने आघाडी मिळवली. डेव्हिडने शानदार शॉटद्वारे टोलवलेला चेंडू गोलकीपर सूरजला चकवा देत गोलमध्ये विसावला. आजच्या सामन्यात भारतीय कर्णधार हरमनप्रीत सिंहच्या चुकीमुळे इंग्लंडला आणखी एक सफलता मिळाली. तो एक हवेत उसळलेला चेंडू अडवण्यात अयशस्वी ठरला आणि इग्लंडचा स्कोअर २-० असा झाला.
४५ मिनिटांनंतर भारतीय संघ ०-२ असा पिछाडीवर होता. संधी मिळाल्यानंतर तिचे सोने करण्याची किमया भारतीय संघाला साधणे गरजेचे होऊन बसले होते. अशात आकाशदीप सिंहने रिबाउंडवर भारतीय संघाचा पहिला गोल केला. यानंतर रुपिंदरपाल सिंहने ५०व्या मिनिटाला पेनल्टी कॉर्नरचा फायदा घेत दुसरा गोल केला आणि स्कोअर २-२ असा बरोबरीत आणला.
सामन्यात पुढे विशेष प्रगती होताना दिसत नसल्याने भारताचा हा दुसरा सामना देखील अनिर्णीत राहिल की काय, अशीच स्थिती दिसू लागली होती. मात्र शेवटी सॅम वॉर्डने ५६व्या मिनिटाला गोल करत इंग्लंडचा स्कोअर ३-२ असा केला आणि इंग्लंडने विजयावर शिक्कामोर्तब केले.
भारताचा लीगमधील ऑस्ट्रेलियाविरुद्धचा आपला पहिला सामना काल १-१ असा अनिर्णीत राहिला होता.