वृत्तसंस्था, मार्सेली
युरो कप फुटबॉल स्पर्धेच्या पेनल्टी शूटआउटपर्यंत रंगलेल्या उपांत्यपूर्व सामन्यात पोर्तुगालने पोलंडवर ५-३ अशी मात करून उपांत्य फेरीत प्रवेश केला. या सामन्यात निर्धारित वेळेत दोन्ही संघांमध्ये १-१ अशी बरोबरी झाली होती. त्यानंतर ३० मिनिटांच्या अतिरिक्त वेळामध्ये दोन्ही संघांना गोल करण्यात अपयश आल्याने सामन्याच्या निकालासाठी पेनल्टी शूटआउटचा अवलंब करण्यात आला. शूटआउटमध्येही ३-३ अशी बरोबरी झाली होती. मात्र चौथ्या प्रयत्नात पोर्तुगालच्या नानीने चेंडू अचूकपणे गोलजाळ्यात धाडला, तर पोलंडच्या जेकब ब्लाझेस्कोवस्कीची पेनल्टी किक पोर्तुगालचा गोलरक्षक रुई पॅट्रिसिओने अडवून संघाला ४-३ अशी आघाडी मिळवून दिली. त्यानंतर पाचव्या पेनल्टीवर पोर्तुगालच्या रिकार्डो क्वारेस्माने गोल करून संघाचा विजयावर शिक्कामोर्तब केले. पोर्तुगालने एकूण पाचव्यांदा आणि सलग दुसऱ्यांदा या स्पर्धेची उपांत्य फेरी गाठण्यात यश मिळवले. २०१२ च्या स्पर्धेमध्ये पोर्तुगालचा संघ तिसऱ्या स्थानी राहिला होता.
तत्पूर्वी, पोलंडने सामना सुरू होताच शंभराव्या सेकंदाला गोल करून आघाडी घेतली होती. पोलंडतर्फे रॉबर्ट लेवांडोवस्कीने कॅमिल ग्रॉसिकीच्या पासवर गोल केला. लेवांडोवस्कीने या स्पर्धेच्या पात्रता फेरीत तब्बल १३ गोल केले होते. तथापि, यंदाच्या मुख्य स्पर्धेतील त्याचा हा पहिलाच गोल ठरला. त्यानंतर २३ व्या मिनिटाला रनाटो सांचेझने पोर्तुगालतर्फे बरोबरीचा गोल केला. या सामन्यावेळी सांचेझचे वय १८ वर्षे ३१७ दिवस इतके होते. युरो कप स्पर्धेत गोल करणाऱ्या युवा खेळाडूंच्या यादीत त्याने तिसरे स्थान पटकावले. युरो स्पर्धेत सर्वांत कमी वयात गोल करण्याचा विक्रम स्वित्झर्लंडच्या जोहान वोल्नॅथनच्या नावावर असून त्याने १८ वर्षे १४१ दिवस इतके वय असताना २००४ च्या युरो स्पर्धेत फ्रान्सविरुद्ध गोल केला होता. पोर्तुगालला मिळालेल्या फ्री-किकवर रोनाल्डोने मारलेला चेंडू पोलंडचा गोलरक्षक लुकास फॅबिआन्स्कीने अडवला.
उत्तरार्धातही दोन्ही संघांनी गोल करण्यासाठी सातत्याने प्रयत्न केले. परंतु, प्रतिस्पर्धी संघाचा बचाव भेदण्यात दोन्ही संघांच्या खेळाडूंना यश आले नाही. उपांत्य फेरीत पोर्तुगालचा सामना वेल्स आणि बेल्जियम यांच्यातील विजेत्या संघाशी होणार आहे.
युरो कप फुटबॉल स्पर्धेच्या पेनल्टी शूटआउटपर्यंत रंगलेल्या उपांत्यपूर्व सामन्यात पोर्तुगालने पोलंडवर ५-३ अशी मात करून उपांत्य फेरीत प्रवेश केला. या सामन्यात निर्धारित वेळेत दोन्ही संघांमध्ये १-१ अशी बरोबरी झाली होती. त्यानंतर ३० मिनिटांच्या अतिरिक्त वेळामध्ये दोन्ही संघांना गोल करण्यात अपयश आल्याने सामन्याच्या निकालासाठी पेनल्टी शूटआउटचा अवलंब करण्यात आला. शूटआउटमध्येही ३-३ अशी बरोबरी झाली होती. मात्र चौथ्या प्रयत्नात पोर्तुगालच्या नानीने चेंडू अचूकपणे गोलजाळ्यात धाडला, तर पोलंडच्या जेकब ब्लाझेस्कोवस्कीची पेनल्टी किक पोर्तुगालचा गोलरक्षक रुई पॅट्रिसिओने अडवून संघाला ४-३ अशी आघाडी मिळवून दिली. त्यानंतर पाचव्या पेनल्टीवर पोर्तुगालच्या रिकार्डो क्वारेस्माने गोल करून संघाचा विजयावर शिक्कामोर्तब केले. पोर्तुगालने एकूण पाचव्यांदा आणि सलग दुसऱ्यांदा या स्पर्धेची उपांत्य फेरी गाठण्यात यश मिळवले. २०१२ च्या स्पर्धेमध्ये पोर्तुगालचा संघ तिसऱ्या स्थानी राहिला होता.
तत्पूर्वी, पोलंडने सामना सुरू होताच शंभराव्या सेकंदाला गोल करून आघाडी घेतली होती. पोलंडतर्फे रॉबर्ट लेवांडोवस्कीने कॅमिल ग्रॉसिकीच्या पासवर गोल केला. लेवांडोवस्कीने या स्पर्धेच्या पात्रता फेरीत तब्बल १३ गोल केले होते. तथापि, यंदाच्या मुख्य स्पर्धेतील त्याचा हा पहिलाच गोल ठरला. त्यानंतर २३ व्या मिनिटाला रनाटो सांचेझने पोर्तुगालतर्फे बरोबरीचा गोल केला. या सामन्यावेळी सांचेझचे वय १८ वर्षे ३१७ दिवस इतके होते. युरो कप स्पर्धेत गोल करणाऱ्या युवा खेळाडूंच्या यादीत त्याने तिसरे स्थान पटकावले. युरो स्पर्धेत सर्वांत कमी वयात गोल करण्याचा विक्रम स्वित्झर्लंडच्या जोहान वोल्नॅथनच्या नावावर असून त्याने १८ वर्षे १४१ दिवस इतके वय असताना २००४ च्या युरो स्पर्धेत फ्रान्सविरुद्ध गोल केला होता. पोर्तुगालला मिळालेल्या फ्री-किकवर रोनाल्डोने मारलेला चेंडू पोलंडचा गोलरक्षक लुकास फॅबिआन्स्कीने अडवला.
उत्तरार्धातही दोन्ही संघांनी गोल करण्यासाठी सातत्याने प्रयत्न केले. परंतु, प्रतिस्पर्धी संघाचा बचाव भेदण्यात दोन्ही संघांच्या खेळाडूंना यश आले नाही. उपांत्य फेरीत पोर्तुगालचा सामना वेल्स आणि बेल्जियम यांच्यातील विजेत्या संघाशी होणार आहे.