वृत्तसंस्था, मेलबर्न
‘वयाच्या १४, १५व्या वर्षीदेखील माझे टेनिस सुमार दर्जाचे होते. खेळाडू म्हणून माझा विकासही उशीराच झाला. मात्र या विकासामुळे खेळात सुधारणा झाल्यानंतर कामगिरी सर्वोत्तम झाली आहे’, असे उदगार ब्रिटनचा टेनिसपटू डॅन इव्हान्सने अलीकडेच काढले होते. त्याचे वय २६ वर्षांचे, जागतिक टेनिस रँकिंग ५१... बघायला गेले तर टेनिसमधील उमेदिचे वय सरत आलेले; पण उशीरा का होईना बुधवारी याच ब्रिटिश टेनिसपटूने ऑस्ट्रेलियन ओपन स्पर्धेच्या दुसऱ्या फेरीत सनसनाटी विजयाची नोंद केली. डॅनने जागतिक रँकिंगमध्ये सातव्या क्रमांकावर असलेल्या क्रोएशियन मरिन चिलिचवर ३-६, ७-५, ६-३, ६-३ असा विजय मिळवला. ग्रँडस्लॅम कारकिर्दीतील त्याची ही सर्वोत्तम कामगिरी ठरली आहे. एकाच महिन्यात जागतिक रँकिंगमधील अव्वल दहांतील टेनिसपटूला नमवण्याची डॅनची ही दुसरी खेप. गेल्याच महिन्यात त्याने सिडनी स्पर्धेत आठव्या क्रमांकावरील डॉमिनिक थिमला नमवले होते.
‘बॅड बॉय’ गारद
सध्याच्या टेनिसमधील ‘बॅडबॉय’ म्हणून ओळखला जाणारा ऑस्ट्रेलियन निक किरिगिओसवर दुसऱ्याच फेरीत गारद होण्याची नामुष्की ओढवली आहे. जागतिक रँकिंगमध्ये ८९व्या क्रमांकावर घसरलेल्या अनुभवी आंद्रे सेपीने निक किरिगिओसला त्यांच्याच घरच्या ऑस्ट्रेलियन प्रेक्षकांपुढे १-६, ६-७ (१-७), ६-४, ६-२, १०-८ अशी धूळ चारली. मुख्य म्हणजे सेपीने ‘मॅच पॉईंट’ वाचवत तीन तास नऊ मिनिटे झुंज देत विजयाची नोंद केली.
चुरशीचा सामना अन् किरिगिओसला पंचांकडून मिळणारी ताकीद हे नित्याचे झाले आहे. बुधवारी चेअर अम्पायर कार्लोस रॅमोस यांनी किरिगिओसला अपशब्द वापरण्यापासून रोखले. तसेच रागाच्या भरात रॅकेट जमिनीवर आपटल्यावरही पंचांनी त्याला ताकीद दिली.
सानिया, बोपण्णा दुसऱ्या फेरीत
सानिया मिर्झा, रोहन बोपण्णा यांनी आपापल्या जोडीदारांसह ऑस्ट्रेलियन ओपन टेनिस स्पर्धेच्या दुहेरीमध्ये विजयी सलामी दिली आहे. चेक प्रजासत्ताकच्या बार्बरा स्ट्रिकोव्हासह दुहेरीत खेळणाऱ्या सानियाने जॉकलिन री व अॅना स्मिथ यांच्यावर ६-३, ६-१ अशी सरळ सेटमध्ये मात केली.
पंधरावे सीडिंग लाभलेल्या पॅबलो क्युएव्हास व रोहन बोपण्णा यांनी थॉमस बेल्युची-मॅक्झिमो गोंझालेझ यांच्यावर ६-४, ७-६ (७-४) असा विजय मिळवला. पुढील फेरीत बोपण्णा-पॅबलो यांचा मुकाबला होईल तो अॅलेक्स बोल्ट-ब्रॅडली मॉसले या जोडीशी. पुरव राजा व दिविज शरण या भारतीय जोडीपुढे आव्हान असेल ते जोनाथन व फॅब्रिस मार्टिन यांचे. यंदा नवा जोडीदार आंद्रे सा यांच्यासर खेळणाऱ्या लिअँडर पेस यांना मुकाबला करावा लागणार आहे तो ट्रीट ह्युई-मॅक्स मिर्नी या दहाव्या सीडेड जोडीशी.
‘वयाच्या १४, १५व्या वर्षीदेखील माझे टेनिस सुमार दर्जाचे होते. खेळाडू म्हणून माझा विकासही उशीराच झाला. मात्र या विकासामुळे खेळात सुधारणा झाल्यानंतर कामगिरी सर्वोत्तम झाली आहे’, असे उदगार ब्रिटनचा टेनिसपटू डॅन इव्हान्सने अलीकडेच काढले होते. त्याचे वय २६ वर्षांचे, जागतिक टेनिस रँकिंग ५१... बघायला गेले तर टेनिसमधील उमेदिचे वय सरत आलेले; पण उशीरा का होईना बुधवारी याच ब्रिटिश टेनिसपटूने ऑस्ट्रेलियन ओपन स्पर्धेच्या दुसऱ्या फेरीत सनसनाटी विजयाची नोंद केली. डॅनने जागतिक रँकिंगमध्ये सातव्या क्रमांकावर असलेल्या क्रोएशियन मरिन चिलिचवर ३-६, ७-५, ६-३, ६-३ असा विजय मिळवला. ग्रँडस्लॅम कारकिर्दीतील त्याची ही सर्वोत्तम कामगिरी ठरली आहे. एकाच महिन्यात जागतिक रँकिंगमधील अव्वल दहांतील टेनिसपटूला नमवण्याची डॅनची ही दुसरी खेप. गेल्याच महिन्यात त्याने सिडनी स्पर्धेत आठव्या क्रमांकावरील डॉमिनिक थिमला नमवले होते.
‘बॅड बॉय’ गारद
सध्याच्या टेनिसमधील ‘बॅडबॉय’ म्हणून ओळखला जाणारा ऑस्ट्रेलियन निक किरिगिओसवर दुसऱ्याच फेरीत गारद होण्याची नामुष्की ओढवली आहे. जागतिक रँकिंगमध्ये ८९व्या क्रमांकावर घसरलेल्या अनुभवी आंद्रे सेपीने निक किरिगिओसला त्यांच्याच घरच्या ऑस्ट्रेलियन प्रेक्षकांपुढे १-६, ६-७ (१-७), ६-४, ६-२, १०-८ अशी धूळ चारली. मुख्य म्हणजे सेपीने ‘मॅच पॉईंट’ वाचवत तीन तास नऊ मिनिटे झुंज देत विजयाची नोंद केली.
चुरशीचा सामना अन् किरिगिओसला पंचांकडून मिळणारी ताकीद हे नित्याचे झाले आहे. बुधवारी चेअर अम्पायर कार्लोस रॅमोस यांनी किरिगिओसला अपशब्द वापरण्यापासून रोखले. तसेच रागाच्या भरात रॅकेट जमिनीवर आपटल्यावरही पंचांनी त्याला ताकीद दिली.
सानिया, बोपण्णा दुसऱ्या फेरीत
सानिया मिर्झा, रोहन बोपण्णा यांनी आपापल्या जोडीदारांसह ऑस्ट्रेलियन ओपन टेनिस स्पर्धेच्या दुहेरीमध्ये विजयी सलामी दिली आहे. चेक प्रजासत्ताकच्या बार्बरा स्ट्रिकोव्हासह दुहेरीत खेळणाऱ्या सानियाने जॉकलिन री व अॅना स्मिथ यांच्यावर ६-३, ६-१ अशी सरळ सेटमध्ये मात केली.
पंधरावे सीडिंग लाभलेल्या पॅबलो क्युएव्हास व रोहन बोपण्णा यांनी थॉमस बेल्युची-मॅक्झिमो गोंझालेझ यांच्यावर ६-४, ७-६ (७-४) असा विजय मिळवला. पुढील फेरीत बोपण्णा-पॅबलो यांचा मुकाबला होईल तो अॅलेक्स बोल्ट-ब्रॅडली मॉसले या जोडीशी. पुरव राजा व दिविज शरण या भारतीय जोडीपुढे आव्हान असेल ते जोनाथन व फॅब्रिस मार्टिन यांचे. यंदा नवा जोडीदार आंद्रे सा यांच्यासर खेळणाऱ्या लिअँडर पेस यांना मुकाबला करावा लागणार आहे तो ट्रीट ह्युई-मॅक्स मिर्नी या दहाव्या सीडेड जोडीशी.