कन्नूर : विश्वचषक स्पर्धेतील रौप्यपदक विजेती सोनिया चहल ( ५७ किलो) आणि इंडिया ओपन सुवर्णपदक विजेती भाग्यबती कचारी (८१ किलो) यांनी चौथ्या एलिट महिला राष्ट्रीय बॉक्सिंग स्पर्धेत सुवर्ण कामगिरी करत रेल्वेला सहा सुवर्णपदके जिंकून दिली. २०१६ च्या राष्ट्रीय विजेत्या सोनियाने हरयाणाच्या युवा जागतिक विजेत्या साक्षीला ३-२ अशा फरकाने हरवले. ८१ किलो गटाच्या अंतिम सामन्यात भाग्यबती कचारीने शैली सिंगला ५-० असे नमवित सुवर्णकामगिरी केली.
६४ किलो वजनी गटात जेतेपदासाठी रेल्वेच्या पविलाओ बासुमात्री आणि तिच्या राज्यातील अंकुशिता बोरो यांच्यात खेळला गेला. कोलोन विश्वचषक स्पर्धेची रौप्यपदक विजेती बासुमात्रीने अखेर युवा विश्वविजेतेपद जिंकणाऱ्या खेळाडूवर ३-२असा विजय मिळवला.