काउलूनः भारताच्या समीर वर्माने शनिवारी सनसनाटी विजयासह हाँगकाँग ओपन बॅडमिंटन स्पर्धेच्या अंतिम फेरीत धडक मारली. भारतीय बॅडमिंटनचे यश म्हणजे महिला एकेरीच्या फायनलमध्ये धडक मारली आहे ती पी. व्ही. सिंधू हिने. या निमित्ताने सिंधूने सलग दुसऱ्या सुपर सीरीज स्पर्धेच्या फायनलमध्ये प्रवेश केला आहे.
काळजाचा ठोका चुकविणाऱ्या उपांत्य लढतीत समीर वर्माने डेन्मार्कच्या यान ऑर्गेनसेनला २१-१९, २४-२२ असा पराभवाचा धक्का दिला. यानला तिसरे सीडिंग होते. जागतिक बॅडमिंटन रँकिंगमध्ये यान तिसऱ्या, तर समीर ४३व्या क्रमांकावर आहे. हे दोघे प्रथमच आमनेसामने आले होते. नुकतीच चीन ओपन स्पर्धा जिंकणाऱ्या अनुभवी यानचेच पारडे जड मानले जात होते. मात्र समीरने सगळी समीकरणे बदलली.
सिंधूचा धडाका
महिला एकेरीच्या उपांत्य लढतीत पी. व्ही. सिंधूने हाँगकाँगच्या चेयुंग एन्गान यि हिच्यावर २१-१४, २१-१६ अशी सरळ गेमध्ये मात केली. रँकिंगमध्ये सिंधू नवव्या, तर चेयुंग २६व्या क्रमांकावर आहे. यापूर्वी या दोघी दोन वेळा आमनेसामने आल्या होत्या. त्यात सिंधूने बाजी मारली होती. चेयुंगने शुक्रवारी सायनाला पराभवाचा धक्का दिला होता. नुकतीच चीन ओपन स्पर्धा जिंकणाऱ्या सिंधूसमोर फायनलमध्ये तैपईच्या ताय हिचे आव्हान असेल. यापूर्वी सिंधू आणि ताय सातवेळा आमनेसामने आल्या आहेत. त्यात चार वेळा तायने, तर तीन वेळा सिंधूने बाजी मारली. माजी विजेत्या तायने उपांत्य लढतीत जगज्जेत्या कॅरोलिना मरिनला २१-१७, १४-२१, २१-१६ असा धक्का दिला.
काळजाचा ठोका चुकविणाऱ्या उपांत्य लढतीत समीर वर्माने डेन्मार्कच्या यान ऑर्गेनसेनला २१-१९, २४-२२ असा पराभवाचा धक्का दिला. यानला तिसरे सीडिंग होते. जागतिक बॅडमिंटन रँकिंगमध्ये यान तिसऱ्या, तर समीर ४३व्या क्रमांकावर आहे. हे दोघे प्रथमच आमनेसामने आले होते. नुकतीच चीन ओपन स्पर्धा जिंकणाऱ्या अनुभवी यानचेच पारडे जड मानले जात होते. मात्र समीरने सगळी समीकरणे बदलली.
सिंधूचा धडाका
महिला एकेरीच्या उपांत्य लढतीत पी. व्ही. सिंधूने हाँगकाँगच्या चेयुंग एन्गान यि हिच्यावर २१-१४, २१-१६ अशी सरळ गेमध्ये मात केली. रँकिंगमध्ये सिंधू नवव्या, तर चेयुंग २६व्या क्रमांकावर आहे. यापूर्वी या दोघी दोन वेळा आमनेसामने आल्या होत्या. त्यात सिंधूने बाजी मारली होती. चेयुंगने शुक्रवारी सायनाला पराभवाचा धक्का दिला होता. नुकतीच चीन ओपन स्पर्धा जिंकणाऱ्या सिंधूसमोर फायनलमध्ये तैपईच्या ताय हिचे आव्हान असेल. यापूर्वी सिंधू आणि ताय सातवेळा आमनेसामने आल्या आहेत. त्यात चार वेळा तायने, तर तीन वेळा सिंधूने बाजी मारली. माजी विजेत्या तायने उपांत्य लढतीत जगज्जेत्या कॅरोलिना मरिनला २१-१७, १४-२१, २१-१६ असा धक्का दिला.