मुंबई : २३ वर्षांखालील मुलांच्या वनडे क्रिकेट स्पर्धेत हार्दिक तामोरेच्या १०५ धावांच्या खेळीनंतरही मुंबईला दिल्लीकडून हार सहन करावी लागली. दिल्लीने प्रथम फलंदाजी करताना ३३० धावांचा डोंगर निर्धारित ५० षटकांत उभारला. त्याला उत्तर देताना मुंबईने २३९ धावांपर्यंतच मजल मारली. त्यात कर्णधार आणि यष्टिरक्षक हार्दिकचा मोठा वाटा होता. त्याने ११ चौकार आणि ५ षटकारांसह ७८ चेंडूंत १०५ धावांची झंझावाती खेळी केली. पण मुंबईला विजय मिळविता आला नाही. अर्जुन तेंडुलकरची ४७ धावांची नाबाद खेळी आणि साईराज पाटीलच्या ३१ धावा ही मुंबईच्या फलंदाजांची कामगिरी वगळता इतर फलंदाजांकडून अपेक्षित कामगिरी झाली नाही. स्कोअरबोर्ड : दिल्ली ४ बाद ३३० (आयुष बदोनी ना. १४२, लक्ष्य थरेजा ना. ६८) विजयी वि. मुंबई २३९ (हार्दिक तामोरे १०५, अर्जुन तेंडुलकर ना. ४७, सुमित माथूर ४१-३)
हार्दिकचे झंझावाती शतक व्यर्थ
२३ वर्षांखालील मुलांच्या वनडे क्रिकेट स्पर्धेत हार्दिक तामोरेच्या १०५ धावांच्या खेळीनंतरही मुंबईला दिल्लीकडून हार सहन करावी लागली...
महाराष्ट्र टाइम्स.कॉम 13 Nov 2019, 4:00 am