अ‍ॅपशहर

भारत-मालदीवमध्येआज फायनल

भारत आणि मालदीव यांच्यात आज (शनिवार) दक्षिण आशियाई फुटबॉल फेडरेशन कप (सॅफ) स्पर्धेची अंतिम लढत रंगणार आहे...

Maharashtra Times 15 Sep 2018, 5:18 am
ढाका : भारत आणि मालदीव यांच्यात आज (शनिवार) दक्षिण आशियाई फुटबॉल फेडरेशन कप (सॅफ) स्पर्धेची अंतिम लढत रंगणार आहे. भारताने ही स्पर्धा सात वेळा जिंकली असून, या वेळीही भारतालाच 'फेव्हरिट' समजले जात आहे.
महाराष्ट्र टाइम्स.कॉम india maldives todays final
भारत-मालदीवमध्येआज फायनल


या स्पर्धेत भारताने पहिल्या लढतीत श्रीलंका संघावर २-०ने मात केली. नंतर मालदीववर २-०ने विजय मिळवला. उपांत्य फेरीत पाकिस्तानवर ३-१ने मात करून अंतिम फेरीत गाठली. मागील तीन स्पर्धांमध्ये मालदीवला अंतिम फेरी गाठता आली नव्हती. तिन्ही वेळेस मालदीव संघाला उपांत्य फेरीतच पराभव पत्करावा लागला होता. दुसरीकडे, भारतीय संघ २००३चा अपवाद वगळता मागील अकराही 'सॅफ' स्पर्धेत अंतिम फेरीत दाखल झाला आहे. २००९मध्ये भारत आणि मालदीवमध्ये अंतिम लढत झाली होती. निर्धारित वेळेत आणि अतिरिक्त वेळेतही लढत गोलशून्य बरोबरीत सुटल्याने शूटआउटचा अवलंब करण्यात आला होता. यात भारताने ३-१ने मात करून जेतेपद मिळवले होते. त्या आधी २००८मध्ये मालदीवने भारताला पराभूत करून विजेतेपद मिळवले होते. मालदीवचा कर्णधार अक्रम अब्दुल म्हणाला, 'साखळीतील लढतीत भारताविरुद्ध आम्हाला चांगलाच संघर्ष करावा लागला होता. मात्र, आता आम्हीही अंतिम फेरीत पोहोचलो आहोत. ही आमच्यासाठी सुवर्णसंधी आहे. मागील नऊ वर्षांत आम्ही एकदाही अंतिम फेरीत पोहोचलेलो नाहीत. तेव्हा भारताला चांगली लढत देऊन विजय मिळवण्याचा आमचा प्रयत्न असेल.' भारतीय संघ मालदीवला कमी लेखणार नसल्याचे भारताचे प्रशिक्षक स्टेफन कॉन्स्टेन्टाइन यांनी सांगितले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज