भारतीय संघाला स्क्वॉशचे सुवर्ण

हाँगकाँग : भारताच्या मुलांच्या संघाने रविवारी मलेशियाच्या संघावर २-० ने विजय मिळवत आशियाई ज्युनियर स्क्वॉश अजिंक्यपद स्पर्धेत सांघिक सुवर्णपदकाची कमाई केली. भारताच्या मुलांच्या संघाने दुसऱ्यांदा हे सुवर्णपदक पटकावले आहे.

श्रीलंकेतील कोलंबोत २०११ मध्ये झालेल्या स्पर्धेत भारतीय संघाने पारंपरिक प्रतिस्पर्धी पाकिस्तानवर विजय मिळवत सुवर्णपदक मिळवले होते. रविवारी अंतिम फेरीच्या सामन्यांत भारताचा क्रमांक एकचा खेळाडू वेलावन सेंथिलकुमारने मलेशियाच्या ओएनजी साई हुनवर विजय मिळवला. दुसऱ्या सामन्यात अभयसिंगने डॅरेन राहुलला पराभूत केले.