म. टा. प्रतिनिधी, औरंगाबाद
नंदुरबार येथे झालेल्या राज्यस्तरीय आंतर शालेय फ्लोअरबॉल स्पर्धेत औरंगाबादच्या राष्ट्रमाता इंदिरा गांधी सैनिकी शाळेच्या मुलींच्या संघाने १७ वर्षांखालील गटात विजेतेपद पटाकावले.
नंदुरबार येथील जिल्हा क्रीडा संकुलात ही स्पर्धा झाली. या स्पर्धेत राष्ट्रमाता इंदिरा गांधी सैनिकी शाळेच्या मुलींच्या संघाने लातूर, मुंबई, नाशिक या विभागाच्या संघांवर मात करीत विजेतेपद संपादन केले. विजेत्या संघात संजना भोपळे, उत्कर्षा सोनवणे, धनश्री भिसे, शारदा सूर्यवंशी, अस्मिता जाधव, ऋतुजा शेलार, प्राजक्ता वैराळ, सोनाली ठाकरे, पूनम तांबारे, मीना कामडे, किरण मोरे, राजश्री भिसे, भाग्यलक्ष्मी चवरे, निकिता चव्हाण, श्रेया वसावे यांचा समावेश आहे. या स्पर्धेत संजना भोपळे, धनश्री भिसे, उत्कर्षा सोनवणे, अस्मिता जाधव, ऋतुजा शेलार या खेळाडूंची कामगिरी लक्षवेधक ठरली.
या कामगिरीबद्दल क्रीडा उपसंचालक ऊर्मिला मोराळे, जिल्हा क्रीडा अधिकारी अशोक गिरी, क्रीडा अधिकारी गोकुळ तांदळे, संस्थेचे अध्यक्ष संजय राठोड, उपाध्यक्षा संगीता राठोड, सचिव गजानन राठोड, मुख्याध्यापक निखिल राठोड, उपमुख्याध्यापक डॉ. डी. एम. पडघान, पर्यवेक्षक सुनील सोळंकी, भाऊसाहेब काळे, डॉ. उदय डोंगरे यांनी विजेत्या खेळाडूंचे अभिनंदन केले. या संघास सचिव बाजीराव भुतेकर यांचे मार्गदर्शन लाभले.