नागपूरः क्षणाक्षणाला उत्कंठा वाढवणाऱ्या लढतीत गतविजेत्या जयपूर पिंक पॅंथर्सने शेवटच्या क्षणामध्ये पुणेरी पलटण संघाचा ३०-२८ असा केवळ दोन गुणांनी पराभव करत स्पर्धेत पहिला विजय नोंदवला. सामन्यात शेवटच्या क्षणांमध्ये पुणे संघाने जोरदार मुसंडी मारली, पण शेवटच्या चढाईत पुणे संघ केवळ एकच गुण नोंदवू शकला.
मानकापूरच्या स्टेडियममध्ये प्रो-कबड्डी लीगच्या नागपुरातील शेवटच्या दिवशी पुणेरी पलटन व जयपूर पिंक पॅँथर्स यांच्यात अत्यंत उत्कंठापूर्ण लढत झाली. सामन्यात जयपूर संघाचे वर्चस्व होते. अखेरच्या पाच मिनिटांपर्यंत जयपूर संघाकडे दहा गुणांची आघाडी होती. मात्र, पुणे संघाने दीपक नरवालच्या आक्रमक चढाया व बचावफळीतील खेळाडूंच्या काही चांगल्या पकडींच्या जोरावर सामन्यातील पिछाडी सात गुणांनी भरून काढली. मात्र, शेवटच्या मिनिटाला जयपूरच्या जसवीरने केवळ वेळ काढण्यासाठी चढाई करत पुण्याला संधी दिली नाही. शेवटच्या ३० सेकंदांत दीपक नरवालला जयपूरच्या दोन खेळाडूंना बाद करत त्यांना 'ऑलआऊट' करण्याची संधी होती. मात्र, दीपक केवळ एकाच खेळाडूला बाद करू शकला व जयपूरने ३०-२८ असा थरारक विजय मिळवला.
मध्यातरानंतर खेळ सुरु झाल्यावर केवळ एकच गडी बाकी असलेला पुण्याचा संघ संघ सुरुवातीच्या मिनिटालाच बाद झाला व जयपूरने 17-11 अशी तब्बल सहा गुणांची आघाडी घेतली. काही मिनिटात आघाडी नऊ गुणांपर्यंत नेल्याने पुणे संघाला सामन्यात परतरण कठीण होईल असे वाटत होते. मात्र, संदीप नरवालने चढाईत जयपूरचे तीन खेळाडू बाद करत पुण्याला सामन्यात परत आणण्याचा प्रयत्न केला. जयपूरचा संघ 'ऑलआऊट' होईल असे वाटत असताना जसवीर सिंगने दोन गुण नोंदवत पुण्याला पुढे जाण्याची संधी दिली नाही. मात्र, पुण्याने पुन्हा एकदा जोरदार मुसंडी मारत शेवटच्या सेंकदापर्यंत लढत दिली. दरम्यान जयपूरच्या मंजित चिल्लरने प्रो-कबड्डीत पकडीचे २०१ गुण पूर्ण केले.
त्यापूर्वी, दोन्ही संघांनी गुणांचे खाते उघडले. दरम्यान पुणे संघाने काही उत्तम पकडी करत पहिल्या सत्रात आघाडी घेतली. सुरुवातीला दोन्ही संघांनी सावध खेळ केला. त्यामुळे सुरुवातीच्या काही चढायांमध्ये दोन्ही संघांना गुण मिळवता आले नाहीत. मात्र, पुणे संघाचा चढाईपटू संदीप नरवालने दोन उत्तम चढाई करत पुणे संघाला ८-६ अशी आघाडी घेतली. त्यानंतर जयपूरने चांगल्या पकडी करत पुणे संघावर पहिल्या सत्रात १४-११ अशी तीन गुणांची आघाडी घेतली. सामन्याची सुरुवात पुणे संघाने चांगली केली मात्र, जयपूरच्या नियोजनबद्ध खेळामुळे पुणे संघाला आघाडी घेता आली नाही.
मानकापूरच्या स्टेडियममध्ये प्रो-कबड्डी लीगच्या नागपुरातील शेवटच्या दिवशी पुणेरी पलटन व जयपूर पिंक पॅँथर्स यांच्यात अत्यंत उत्कंठापूर्ण लढत झाली. सामन्यात जयपूर संघाचे वर्चस्व होते. अखेरच्या पाच मिनिटांपर्यंत जयपूर संघाकडे दहा गुणांची आघाडी होती. मात्र, पुणे संघाने दीपक नरवालच्या आक्रमक चढाया व बचावफळीतील खेळाडूंच्या काही चांगल्या पकडींच्या जोरावर सामन्यातील पिछाडी सात गुणांनी भरून काढली. मात्र, शेवटच्या मिनिटाला जयपूरच्या जसवीरने केवळ वेळ काढण्यासाठी चढाई करत पुण्याला संधी दिली नाही. शेवटच्या ३० सेकंदांत दीपक नरवालला जयपूरच्या दोन खेळाडूंना बाद करत त्यांना 'ऑलआऊट' करण्याची संधी होती. मात्र, दीपक केवळ एकाच खेळाडूला बाद करू शकला व जयपूरने ३०-२८ असा थरारक विजय मिळवला.
मध्यातरानंतर खेळ सुरु झाल्यावर केवळ एकच गडी बाकी असलेला पुण्याचा संघ संघ सुरुवातीच्या मिनिटालाच बाद झाला व जयपूरने 17-11 अशी तब्बल सहा गुणांची आघाडी घेतली. काही मिनिटात आघाडी नऊ गुणांपर्यंत नेल्याने पुणे संघाला सामन्यात परतरण कठीण होईल असे वाटत होते. मात्र, संदीप नरवालने चढाईत जयपूरचे तीन खेळाडू बाद करत पुण्याला सामन्यात परत आणण्याचा प्रयत्न केला. जयपूरचा संघ 'ऑलआऊट' होईल असे वाटत असताना जसवीर सिंगने दोन गुण नोंदवत पुण्याला पुढे जाण्याची संधी दिली नाही. मात्र, पुण्याने पुन्हा एकदा जोरदार मुसंडी मारत शेवटच्या सेंकदापर्यंत लढत दिली. दरम्यान जयपूरच्या मंजित चिल्लरने प्रो-कबड्डीत पकडीचे २०१ गुण पूर्ण केले.
त्यापूर्वी, दोन्ही संघांनी गुणांचे खाते उघडले. दरम्यान पुणे संघाने काही उत्तम पकडी करत पहिल्या सत्रात आघाडी घेतली. सुरुवातीला दोन्ही संघांनी सावध खेळ केला. त्यामुळे सुरुवातीच्या काही चढायांमध्ये दोन्ही संघांना गुण मिळवता आले नाहीत. मात्र, पुणे संघाचा चढाईपटू संदीप नरवालने दोन उत्तम चढाई करत पुणे संघाला ८-६ अशी आघाडी घेतली. त्यानंतर जयपूरने चांगल्या पकडी करत पुणे संघावर पहिल्या सत्रात १४-११ अशी तीन गुणांची आघाडी घेतली. सामन्याची सुरुवात पुणे संघाने चांगली केली मात्र, जयपूरच्या नियोजनबद्ध खेळामुळे पुणे संघाला आघाडी घेता आली नाही.