वृत्तसंस्था, सोल
भारताच्या अजय जयरामने कोरिया ओपन सुपर सीरिज बॅडमिंटन स्पर्धेच्या उपांत्यपूर्व फेरीत प्रवेश केला आहे. बी. साई प्रणीतला मात्र आगेकूच करण्यात अपयश आले. त्यामुळे भारताचे आव्हान आता अजय जयरामवर अवलंबून आहे.
पुरुष एकेरीच्या दुसऱ्या फेरीत अजय जयरामने चीनच्या हुअँग युक्झिअँगवर २१-१५, २१-१८ अशी मात केली. ही लढत ४० मिनिटे चालली. जागतिक बॅडमिंटन रँकिंगमध्ये अजय जयराम २७व्या, तर हुअँग ३३व्या स्थानी आहे. अजय जयरामने गेल्या वर्षीच्या कॅनडा ओपनमध्ये हुअँगवर मात केली होती. अजय जयरामचा हा हुअँगवरील सलग दुसरा विजय ठरला.
पहिल्या गेमच्या सुरुवातीला अजय जयराम आणि हुअँग यांच्यात चुरस बघायला मिळाली. त्यामुळे हा गेम ७-७ अशी बरोबरीत सुरू होता. यानंतर अजय जयरामने सलग पाच गुण घेत आघाडी मिळवली. ही आघाडी अजय जयरामचा आत्मविश्वास उंचावणारी ठरली. अजय जयरामने १७-१४ अशा आघाडीनंतर सलग तीन गुण घेतले. पुढील गुण घेत हुअँगने गेम पॉइंट वाचविला. पण अजय जयरामने पुढील गुण घेत पहिला गेम जिंकला. दुसऱ्या गेममध्ये अजय जयरामने सुरुवातीपासूनच वर्चस्व राखले. त्याने १३-७ अशी आघाडी घेतली. हुअँगने पिछाडी भरून काढण्याचा आटोकाट प्रयत्न केला. पण निर्णायक क्षणी अजय जयरामने आपला खेळ उंचावून दुसऱ्या गेमसह लढत जिंकली.
अजय जयरामची उपांत्यपूर्व फेरीत कोरियाच्या ली ह्यूनशी लढत होईल. जागतिक क्रमवारीत २०व्या स्थानी असलेल्या ली याने अजय जयरामला यापूर्वी दोन वेळा पराभूत केले आहे. अजय जयराम म्हणाला, ‘मी ही लढत सहज जिंकली. दुसऱ्या गेममध्ये त्याने चांगली लढत दिली. माझ्या कामगिरीने मी समाधानी आहे. आक्रमक खेळ शेवटपर्यंत कायम राखला. दुसऱ्या गेमच्या अखेरीस मी थोडा नर्व्हस झालो होतो. पण उपांत्यपूर्व फेरीत प्रवेश करण्यास यश मिळवले. शुक्रवारी माझी लढत ली ह्यूनशी होणार आहे. तो खूपच आव्हानात्मक प्रतिस्पर्धी आहे. पण कामगिरीत सातत्य राखण्याचा माझा प्रयत्न असेल.’ सहाव्या सीडेड सन वान हो याने बी. साईप्रणीतवर २१-९, २१-१५ अशी मात केली.
भारताच्या अजय जयरामने कोरिया ओपन सुपर सीरिज बॅडमिंटन स्पर्धेच्या उपांत्यपूर्व फेरीत प्रवेश केला आहे. बी. साई प्रणीतला मात्र आगेकूच करण्यात अपयश आले. त्यामुळे भारताचे आव्हान आता अजय जयरामवर अवलंबून आहे.
पुरुष एकेरीच्या दुसऱ्या फेरीत अजय जयरामने चीनच्या हुअँग युक्झिअँगवर २१-१५, २१-१८ अशी मात केली. ही लढत ४० मिनिटे चालली. जागतिक बॅडमिंटन रँकिंगमध्ये अजय जयराम २७व्या, तर हुअँग ३३व्या स्थानी आहे. अजय जयरामने गेल्या वर्षीच्या कॅनडा ओपनमध्ये हुअँगवर मात केली होती. अजय जयरामचा हा हुअँगवरील सलग दुसरा विजय ठरला.
पहिल्या गेमच्या सुरुवातीला अजय जयराम आणि हुअँग यांच्यात चुरस बघायला मिळाली. त्यामुळे हा गेम ७-७ अशी बरोबरीत सुरू होता. यानंतर अजय जयरामने सलग पाच गुण घेत आघाडी मिळवली. ही आघाडी अजय जयरामचा आत्मविश्वास उंचावणारी ठरली. अजय जयरामने १७-१४ अशा आघाडीनंतर सलग तीन गुण घेतले. पुढील गुण घेत हुअँगने गेम पॉइंट वाचविला. पण अजय जयरामने पुढील गुण घेत पहिला गेम जिंकला. दुसऱ्या गेममध्ये अजय जयरामने सुरुवातीपासूनच वर्चस्व राखले. त्याने १३-७ अशी आघाडी घेतली. हुअँगने पिछाडी भरून काढण्याचा आटोकाट प्रयत्न केला. पण निर्णायक क्षणी अजय जयरामने आपला खेळ उंचावून दुसऱ्या गेमसह लढत जिंकली.
अजय जयरामची उपांत्यपूर्व फेरीत कोरियाच्या ली ह्यूनशी लढत होईल. जागतिक क्रमवारीत २०व्या स्थानी असलेल्या ली याने अजय जयरामला यापूर्वी दोन वेळा पराभूत केले आहे. अजय जयराम म्हणाला, ‘मी ही लढत सहज जिंकली. दुसऱ्या गेममध्ये त्याने चांगली लढत दिली. माझ्या कामगिरीने मी समाधानी आहे. आक्रमक खेळ शेवटपर्यंत कायम राखला. दुसऱ्या गेमच्या अखेरीस मी थोडा नर्व्हस झालो होतो. पण उपांत्यपूर्व फेरीत प्रवेश करण्यास यश मिळवले. शुक्रवारी माझी लढत ली ह्यूनशी होणार आहे. तो खूपच आव्हानात्मक प्रतिस्पर्धी आहे. पण कामगिरीत सातत्य राखण्याचा माझा प्रयत्न असेल.’ सहाव्या सीडेड सन वान हो याने बी. साईप्रणीतवर २१-९, २१-१५ अशी मात केली.