वृत्तसंस्था, मोनॅको
गोन्झालो हिगुनने केलेल्या दोन गोलच्या जोरावर इटलीच्या युव्हेन्ट्स क्लबने चॅम्पियन्स लीग फुटबॉल स्पर्धेच्या उपांत्य लढतीतील पहिल्या फेरीत फ्रान्सच्या मोनॅको क्लबवर २-० अला विजय मिळवला. या दोन्ही संघांमधील दुसरी लढत आता १० मे रोजी होईल.
गोन्झालोने दोन्ही गोल डॅनी अॅल्व्हेसच्या पासवर केले. पूर्वार्धात २९व्या मिनिटाला गोन्झालोने पहिला गोल केला, यानंतर ५९व्या मिनिटाला गोन्झालोने दुसरा गोल करून युव्हेन्ट्सच्या विजयात मोलाचा वाटा उचलला. गोन्झालोची यंदाच्या मोसमातील गोलची संख्या ३१ झाली आहे. अर्जेंटिनाटा २९ वर्षीय गोन्झालो गेल्या वर्षीपर्यंत नापोली संघाकडे होता. त्याला गेल्या वर्षी ९ कोटी युरोमध्ये युव्हेन्ट्सने आपल्या संघात सामावून घेतले. या लढतीत युव्हेन्ट्सचेच पारडे जड मानले जात होते. आणि दुसऱ्या फेरीतील लढतीतही युव्हेन्ट्सचेच पारडे जड असणार आहे. कारण युव्हेन्ट्सला दुसऱ्या फेरीत कधीही मोनॅकोकडून पराभव पत्करावा लागलेला नाही. विशेष म्हणजे ज्या स्टेड लुईस स्टेडियममध्ये ही लढत झाली, तेथील मागील १३ लढती मोनॅकोने जिंकल्या होत्या. या वेळी मात्र, त्यांना युव्हेन्ट्सचा बचाव भेदता आला नाही. आता २००४नंतर प्रथमच चॅम्पियन्स लीगच्या अंतिम फेरीत पोहोचण्यासाठी त्यांना मोठा विजय मिळवावा लागणार आहे.
मेसी मागणार दाद
झ्युरिचः अर्जेंटिनाच्या लायनल मेसीने आपल्यावरील चार सामन्यांच्या बंदी विरोधात फिफाकडे दाद मागण्याचे ठरवले आहे. मात्र यावर लवकर सुनावणी होणार नाही असे दिसते आहे. फारसे महत्त्व नसलेल्या प्रकरणांवर फिफाचे पॅनल लगेच निर्णय देत नाही. अर्जेंटिनाची फुटबॉल वर्ल्डकप प्राथमिक फेरीच्या पुढील झुंजीत गाठ पडेल ती उरुग्वेशी. हा सामना ३१ ऑगस्टला होणार आहे.
गोन्झालो हिगुनने केलेल्या दोन गोलच्या जोरावर इटलीच्या युव्हेन्ट्स क्लबने चॅम्पियन्स लीग फुटबॉल स्पर्धेच्या उपांत्य लढतीतील पहिल्या फेरीत फ्रान्सच्या मोनॅको क्लबवर २-० अला विजय मिळवला. या दोन्ही संघांमधील दुसरी लढत आता १० मे रोजी होईल.
गोन्झालोने दोन्ही गोल डॅनी अॅल्व्हेसच्या पासवर केले. पूर्वार्धात २९व्या मिनिटाला गोन्झालोने पहिला गोल केला, यानंतर ५९व्या मिनिटाला गोन्झालोने दुसरा गोल करून युव्हेन्ट्सच्या विजयात मोलाचा वाटा उचलला. गोन्झालोची यंदाच्या मोसमातील गोलची संख्या ३१ झाली आहे. अर्जेंटिनाटा २९ वर्षीय गोन्झालो गेल्या वर्षीपर्यंत नापोली संघाकडे होता. त्याला गेल्या वर्षी ९ कोटी युरोमध्ये युव्हेन्ट्सने आपल्या संघात सामावून घेतले. या लढतीत युव्हेन्ट्सचेच पारडे जड मानले जात होते. आणि दुसऱ्या फेरीतील लढतीतही युव्हेन्ट्सचेच पारडे जड असणार आहे. कारण युव्हेन्ट्सला दुसऱ्या फेरीत कधीही मोनॅकोकडून पराभव पत्करावा लागलेला नाही. विशेष म्हणजे ज्या स्टेड लुईस स्टेडियममध्ये ही लढत झाली, तेथील मागील १३ लढती मोनॅकोने जिंकल्या होत्या. या वेळी मात्र, त्यांना युव्हेन्ट्सचा बचाव भेदता आला नाही. आता २००४नंतर प्रथमच चॅम्पियन्स लीगच्या अंतिम फेरीत पोहोचण्यासाठी त्यांना मोठा विजय मिळवावा लागणार आहे.
मेसी मागणार दाद
झ्युरिचः अर्जेंटिनाच्या लायनल मेसीने आपल्यावरील चार सामन्यांच्या बंदी विरोधात फिफाकडे दाद मागण्याचे ठरवले आहे. मात्र यावर लवकर सुनावणी होणार नाही असे दिसते आहे. फारसे महत्त्व नसलेल्या प्रकरणांवर फिफाचे पॅनल लगेच निर्णय देत नाही. अर्जेंटिनाची फुटबॉल वर्ल्डकप प्राथमिक फेरीच्या पुढील झुंजीत गाठ पडेल ती उरुग्वेशी. हा सामना ३१ ऑगस्टला होणार आहे.