मटा ऑनलाइन वृत्त । सिडनी
भारताच्या किदाम्बी श्रीकांतने ऑस्ट्रेलियन ओपन सुपर सीरिज बॅडमिंटन स्पर्धेच्या अंतिम फेरीत धडक मारली आहे. चीनच्या चौथ्या मानांकित शी यूकीचा सरळ गेममध्ये पराभव करून त्यानं चौथ्या 'सुपर' जेतेपदाच्या दिशेनं एक पाऊल पुढे टाकलं.
गेल्याच आठवड्यात इंडोनेशिया ओपन सुपर सीरिजचं अजिंक्यपद पटकावणाऱ्या के श्रीकांतचा आत्मविश्वास चांगलाच उंचावला आहे. सिंगापूरमध्ये जेतेपदानं थोडक्यात हुलकावणी दिल्यानंतर त्यानं जिद्दीनं पुनरागमन केलं आणि आता ऑस्ट्रेलियन ओपनमध्येही विजयाचा धडाका कायम ठेवला आहे. दोनच दिवसांपूर्वी, जागतिक क्रमवारीत अव्वल स्थानी असलेल्या कोरियाच्या सन वान हो याचा खेळ खल्लास करून त्यानं आपली ताकद दाखवून दिली होती. आता तर मेडलवर नाव कोरण्यासाठी त्याला फक्त एका विजयाची गरज आहे.
उपांत्य फेरीच्या सामन्यात श्रीकांतनं अवघ्या ३७ मिनिटांत शी यूकीचा धुव्वा उडवला. सिंगापूर ओपनमध्ये त्यानं यूकीला पराभवाचा धक्का दिला होता. तशाच प्रकारचा आक्रमक खेळ करत, स्मॅश आणि बॅकहँडच्या जोरावर त्यानं यूकीचं आव्हान २१-१०, २१-१४ असं मोडीत काढलं.
ऑस्ट्रेलियन ओपनमध्ये पी व्ही सिंधू आणि सायना नेहवाल यांचं आव्हान उपांत्यपूर्व फेरीतच संपुष्टात आलंय. त्यामुळे भारतीय बॅडमिंटनप्रेमींना आता श्रीकांतकडून जेतेपदाची भेट मिळते का, याबद्दल उत्सुकता आहे.
भारताच्या किदाम्बी श्रीकांतने ऑस्ट्रेलियन ओपन सुपर सीरिज बॅडमिंटन स्पर्धेच्या अंतिम फेरीत धडक मारली आहे. चीनच्या चौथ्या मानांकित शी यूकीचा सरळ गेममध्ये पराभव करून त्यानं चौथ्या 'सुपर' जेतेपदाच्या दिशेनं एक पाऊल पुढे टाकलं.
गेल्याच आठवड्यात इंडोनेशिया ओपन सुपर सीरिजचं अजिंक्यपद पटकावणाऱ्या के श्रीकांतचा आत्मविश्वास चांगलाच उंचावला आहे. सिंगापूरमध्ये जेतेपदानं थोडक्यात हुलकावणी दिल्यानंतर त्यानं जिद्दीनं पुनरागमन केलं आणि आता ऑस्ट्रेलियन ओपनमध्येही विजयाचा धडाका कायम ठेवला आहे. दोनच दिवसांपूर्वी, जागतिक क्रमवारीत अव्वल स्थानी असलेल्या कोरियाच्या सन वान हो याचा खेळ खल्लास करून त्यानं आपली ताकद दाखवून दिली होती. आता तर मेडलवर नाव कोरण्यासाठी त्याला फक्त एका विजयाची गरज आहे.
उपांत्य फेरीच्या सामन्यात श्रीकांतनं अवघ्या ३७ मिनिटांत शी यूकीचा धुव्वा उडवला. सिंगापूर ओपनमध्ये त्यानं यूकीला पराभवाचा धक्का दिला होता. तशाच प्रकारचा आक्रमक खेळ करत, स्मॅश आणि बॅकहँडच्या जोरावर त्यानं यूकीचं आव्हान २१-१०, २१-१४ असं मोडीत काढलं.
ऑस्ट्रेलियन ओपनमध्ये पी व्ही सिंधू आणि सायना नेहवाल यांचं आव्हान उपांत्यपूर्व फेरीतच संपुष्टात आलंय. त्यामुळे भारतीय बॅडमिंटनप्रेमींना आता श्रीकांतकडून जेतेपदाची भेट मिळते का, याबद्दल उत्सुकता आहे.