किम यांनी सुचविलेले बदल फलदायी
मुंबई : परदेशी प्रशिक्षिका किम जि ह्युन यांनी सुचविलेल्या बदलांचा आपल्याला खूप फायदा झाला, असे मत भारताची विश्वविजेती बॅडमिंटनपटू पी. व्ही. सिंधूने व्यक्त केले. ऑलिंपिक रौप्यविजेत्या सिंधूने जपानच्या नोझोमी ओकुहाराला जागतिक स्पर्धेत पराभूत करत सुवर्ण जिंकले. किम यांना माझ्या खेळात काही बदल करायचे होते. त्याची मला खूप मदत झाली. अर्थात, गोपीचंद सरांच्या मार्गदर्शनाखाली या बदलांवर मी मेहनत घेतली. त्यामुळे माझ्या शैलीत बराच फरक पडला. तरी अद्याप बरीच सुधारणा करायची आहे. एका कार्यक्रमासाठी मुंबईत आलेली असताना सिंधूने पत्रकारांशी संवाद साधला.