म. टा. प्रतिनिधी, औरंगाबाद
गंगापूर येथे श्री स्वामी विवेकानंद प्रतिष्ठाण व गंगापूर व्हॉलिबॉल अॅकॅडमीतर्फे आयोजित राज्यस्तरीय युथ व्हॉलिबॉल स्पर्धेत लातूर व मुंबई संघांनी आपापल्या गटात विजेतेपद पटाकावले. यजमान औरंगाबाद व कोल्हापूर संघ उपविजेते ठरले.
जिल्हा परिषदेच्या क्रीडांगणावर या स्पर्धेचा समारोप झाला. मुलांच्या गटात लातूर संघाने अटीतटीच्या झुंजीत औरंगाबाद संघाचा ३-२ अशा सेटमध्ये पराभूत करुन विजेतेपद पटाकावले. लातूरकडून शोएब शेख हा उत्कृष्ट स्मॅशर या पुरस्काराचा मानकरी ठरला. औरंगाबादच्या महेश निकम, सामेर शेख, शैलेश सोनवणे, आमेर शेखने उत्कृष्ट खेळ केला. सामेर शेखने बेस्ट लिफ्टर हा पुरस्कार जिंकला. तिसऱ्या स्थानासाठी झालेल्या लढतीत पुणे संघाने नागपूर संघाचा ३-२ असा पराभव केला.
मुलींच्या गटात मुंबई संघाने जेतेपद पटाकावले. अंतिम लढतीत मुंबईने कोल्हापूर संघाचा ३-० असा सहज पराभव केला. पुणे संघाने नागपूर संघाचा ३-० असा पराभव करीत तिसरा क्रमांक मिळवला. मुंबईची कीर्ती गुलाठियाने बेस्ट स्मॅशर पुरस्कार प्रदान करण्यात आला.
शिवसेना नेते चंद्रकांत खैरे यांच्या हस्ते विजेत्यांना पारितोषिकांचे वितरण करण्यात आले. या प्रसंगी जिल्हा क्रीडा अधिकारी अशोक गिरी, उपविभागीय पोलिस अधिकारी संदीप गावित, पोलिस निरीक्षक मच्छिंद्र सुरवसे, उपजिल्हा प्रमुख कृष्णा पाटील डोणगावकर, लक्ष्मण सांगळे, राज्य व्हॉलिबॉल संघटनेचे अध्यक्ष पार्थ दोशी, माजी नगराध्यक्ष संजय जाधव, नगरसेवक प्रदीप पाटील, अविनाश पाटील, लक्ष्मणसिंग राजपूत, भाग्येश गंगवाल, मुकुंद जोशी, रामेश्वर मुंदडा, लक्ष्मण भुसारे, उद्धव काळे, योगेश धोत्रे, विशाल गायकवाड, विश्वजित चव्हाण, अतुल कुलकर्णी, आयोजन समितीचे सचिव आबासाहेब सिरसाट यांची प्रमुख उपस्थिती होती.
स्पर्धेच्या यशस्वी आयोजनासाठी उदय तगरे, प्रमोद महाजन, जुनेद शेख, मुक्तार शेख, सोमनाथ काळे, करण खोमणे, स्वप्नील म्हस्के, योगेश बोरुडे, अमिन पटेल, सागर घोडके, भारत खाजेकर, अब्दुल बागेस, पवन भवार, आसिफ शेख, परमेश्वर जाधव, जुबेर बागवान, रामेश्वर म्हस्के, प्रसाद जाधव, भगवान चरावंडे, बालू तोडगिले आदींनी पुढाकार घेतला. जयेश निरफळ यांनी सूत्रसंचालन केले.