मुंबई : कोलकाता येथे झालेल्या राष्ट्रीय आंतरशालेय ऱ्हिदमिक जिम्नॅस्टिक्स स्पर्धेत महाराष्ट्राने विक्रमी कामगिरी करत सर्वच्या सर्व १५ वैयक्तिक सुवर्ण, १२ रौप्य व ३ ब्राँझसह ३ सांघिक सुवर्णपदके जिंकली. यात आंतरराष्ट्रीय जिम्नॅस्टिक्स खेळाडू व प्रशिक्षक पूजा आणि मानसी सुर्वे यांच्या ठाणे येथील फिनिक्स अकादमीच्या मुलींनी सुवर्ण, रौप्य व ब्राँझपदकांची घसघशीत कमाई केली तर प्रीमियर ऱ्हिदमिक जिम्नॅस्टिक्स अकादमीच्या प्रशिक्षक वर्षा उपाध्ये यांच्या चार मुलींनीही पदके जिंकली. १४, १७ व १९ वर्षांखालील गटात ही स्पर्धा पार पडली. या स्पर्धेत भारतातील २५ राज्यांतील संघ सहभागी झाले होते. फिनिक्स अकादमीच्या श्रेय भंगाळे, संयुक्ता काळे, किमया कार्ले, अस्मी बडदे (सर्व १४ वर्षांखालील गट), प्रियांका आचार्य, श्रुती महाडेश्वर (१७ वर्षांखालील गट), किमया कदम आणि सिमरन फाटक (१९ वर्षांखालील गट) तर उपाध्ये यांच्या अकादमीतून अनन्या सोमण, क्रिशा छेडा, श्रिया कुलकर्णी व दिव्या दवे यांनी पदके जिंकली. तर प्रीमियरच्या मंजिरी राणेने सीबीएसई बोर्डासाठीच्या स्वतंत्र स्पर्धेत रौप्य आणि ब्राँझपदकाची कमाई केली.
महाराष्ट्राला शालेय जिम्नॅस्टिक्समध्ये सर्व पदके
कोलकाता येथे झालेल्या राष्ट्रीय आंतरशालेय ऱ्हिदमिक जिम्नॅस्टिक्स स्पर्धेत महाराष्ट्राने विक्रमी कामगिरी करत सर्वच्या सर्व १५ वैयक्तिक सुवर्ण, १२ रौप्य व ३ ब्राँझसह ३ सांघिक सुवर्णपदके जिंकली.
Maharashtra Times 22 Nov 2017, 4:00 am