म. टा. प्रतिनिधी, औरंगाबाद
मसिआतर्फे आयोजित मसिआ करंडक औद्योगिक टी-२० क्रिकेट स्पर्धेत यजमान मसिआ अ संघाने लीप फास्टनर्स संघाचा पाच विकेट्स राखून पराभव करीत उपांत्य फेरी गाठली.
गरवारे क्रीडा संकुलावर ही स्पर्धा होत आहे. प्रथम फलंदाजी करताना लीप फास्टनर्स संघाने २० षटकात आठ बाद १३२ धावसंख्या उभारली. त्यात विजय म्हेत्रेने ३६ चेंडूंत ५३ धावा फटाकावत डाव सावरला. मधुर पटेलने नऊ धावांत चार विकेट्स घेत सामना गाजवला.
मसिआ अ संघासमोर विजयासाठी १३३ धावांचे आव्हान होते. ते त्यांनी १९.१ षटकात पाच फलंदाजांच्या मोबदल्यात पाच बाद १३३ धावा फटाकावत सहज विजय साकारला. कर्णधार रोहन राठोडने नाबाद ५९ धावांची खेळी करीत संघाचे उपांत्य फेरीतील स्थान निश्चित केले. प्रणव राजळे, सचिन पिसे यांनी प्रत्येकी दोन गडी बाद केले.
उद्योजक अविनाश कुलकर्णी, हरिश अरोरा, विजय लेकुरवाळे, सचिव मनीष अग्रवाल, सुहास देशपांडे यांच्या हस्ते रोहन राठोडला सामनावीर पुरस्कार देण्यात आला. शुक्रवारी (२१ फेब्रुवारी) श्रुती इंडस्ट्रीज व मसिआ अ संघ तसेच शहर पोलिस व ग्रामीण पोलिस या संघांमध्ये उपांत्य फेरीचे सामने होणार आहेत.
संक्षिप्त स्कोअरबोर्ड : लीप फास्टनर्स संघ : २० षटकात आठ बाद १३२ (प्रणव राजळे १६, राहुल पाटील २५, ओमकार ठाकूर १५, विजय म्हेत्रे ५३, मधुर पटेल ४-९, हितेश पटेल दो विकेट, सय्यद जावेद एक विकेट) पराभूत विरुद्ध मसिआ अ संघ : १९.१ षटकात पाच बाद १३३ (अतिक नाईकवाडे २७, सय्यद जावेद १४, रोहन राठोड नाबाद ५९, प्रणव राजळे, सचिन पिसे प्रत्येकी दोन विकेट, राजू मदन एक विकेट). सामनावीर : रोहन राठोड.