म. टा. प्रतिनिधी, औरंगाबाद
एमजीएम संस्थेच्या ३७व्या वर्धापनदिनानिमित्त रविवारी (आठ डिसेंबर) हेरिटेज रनचे आयोजन करण्यात आले आहे.
एमजीएम हेरिटेज रन तीन, पाच व दहा किलोमीटर अंतरात होणार आहे. रविवारी सकाळी सात वाजता एमजीएम क्रीडा संकुलापासून हेरिटेज रनची सुरवात होणार आहे. एमजीएम क्रीडा संकुल, सेंट्रल जकात नाका चौक, जीएसटी कार्यालय, जळगाव रोड, गरवारे कॉर्नर, पंडित सुपर मार्केट, सौभाग्य चौक व पुन्हा त्याच मार्गाने एमजीएम क्रीडा संकुल असा हेरिटेज रनचा मार्ग असणार आहे. यात सहभागी होणाऱ्या धावपटूंनी विनामूल्य इलेक्ट्रॉनिक चिपसह धाव क्रमांक देण्यात येणार आहे.
या स्पर्धेतील विविध गटांतील विजेत्यांना एकूण एक लाख तीस हजार रुपयांची रोख पारितोषिके देण्यात येणार आहेत, अशी माहिती कर्नल डॉ. प्रदीपकुमार व प्रा. आशिष गाडेकर यांनी दिली.