म. टा. प्रतिनिधी, औरंगाबाद
एमजीएमच्या ३६व्या वर्धापनदिनानिमित्त आयोजित चौथ्या आंतर महाविद्यालयीन क्रीडा स्पर्धेस मंगळवारपासून (३० ऑक्टोबर) प्रारंभ होत आहे. या स्पर्धेत १२०० खेळाडूंनी विविध क्रीडा प्रकारात सहभाग घेतला आहे.
एमजीएम क्रीडा संकुलावर ही स्पर्धा होणार आहे. पोलिस आयुक्त चिरंजीव प्रसाद यांच्या हस्ते सकाळी सव्वानऊ वाजता स्पर्धेचे उद्घाटन होणार आहे. या स्पर्धेत अॅथलेटिक्स, बास्केटबॉल, टेबल टेनिस, टेनिस, व्हॉलिबॉल, फुटबॉल, कबड्डी, खोखो, बॅडमिंटन, कॅरम, पॉवरलिफ्टिंग, नेमबाजी अशा विविध क्रीडा प्रकारांचा समावेश आहे. एक नोव्हेंबर रोजी स्पर्धेचा समारोप होणार आहे. या प्रसंगी ब्रिगेडिअर एम. एस. मोहिते यांच्या हस्ते विजेत्यांना पारितोषिकांचे वितरण करण्यात येणार आहे. या प्रसंगी एमजीएमचे सचिव अंकुशराव कदम, डॉ. पी. एम. जााधव, प्रताप बोराडे, डॉ. प्रवीण सूर्यवंशी, रणजित कक्कड, डॉ. गिरीश गाडेकर, आशिष गाडेकर, डॉ. अपर्णा कक्कड, अस्मिता सूर्यवंशी, डॉ. क्षीतिजा गाडेकर, डॉ. सारिका गाडेकर, डॉ. रेखा शेळके यांची प्रमुख उपस्थिती राहाणार असल्याची माहिती कर्नल प्रदीप कुमार व डॉ. अभिजित ठाकूर यांनी दिली.