‘बागान’च्या पराभवानंतर प्रशिक्षकांचा राजीनामा

कोलकाता : मोहन बागान संघाला आय-लीग फुटबॉल स्पर्धेत मंगळवारी चेन्नई सिटी संघाकडून १-२ असा पराभव पत्करावा लागला. या पराभवानंतर प्रशिक्षक संजॉय सेन यांनी राजीनामा दिला. सेन यांची डिसेंबर २०१४मध्ये नियुक्ती करण्यात आली होती.

लढतीच्या सहाव्याच मिनिटाला जीन-मायकेल जॉचिमनो गोल करून चेन्नई संघाला आघाडी मिळवून दिली. यानंतर ३६व्या मिनिटाला अन्सूमान क्रोमाहने गोल करून मोहन बागानला बरोबरी साधून दिली. मात्र, ७१व्या मिनिटाला वेनिअमिन शुमेयकोने गोल करून चेन्नईला आघाडी मिळवून दिली. ही आघाडी शेवटपर्यंत कायम राखून चेन्नईने मोहन बागानला नमविले. सात सामन्यानंतर मोहन बागानला प्रथमच पराभव पत्करावा लागला.
पश्चिम बंगालची‘अॅरोज’वर मात
नवी दिल्ली : पश्चिम बंगाल संघाने आय- लीग फुटबॉल स्पर्धेत इंडियन अॅरोज संघावर २-०ने मात केली. पश्चिम बंगालच्या खेळाडूंनी तीन मिनिटांच्या अंतरात दोन गोल केले. यातून इंडियन अॅरोज संघ शेवटपर्यंत सावरला नाही. पश्चिम बंगाल संघाकडून महंमद अल अमना (१३ मि.) आणि कात्सुमी युसाने (१६ मि.) गोल केले. इंडियन अॅरोज संघाने गोल करण्याचा आटोकाट प्रयत्न केला. पण त्यात त्या संघाला यश आले नाही. पश्चिम बंगालचे प्रशिक्षक खलिद जमिल यांना अपशब्द वापरल्याचे गोलकीपर प्रशिक्षक युसूफ अन्सारीने रेफ्रींना सांगितले. रेफ्रींनी इंडियन अॅरोज संघाला ताकीदही दिली. या विजयासह पश्चिम बंगाल संघ गुणतक्त्यात १७ गुणांसह आघाडीवर आहे. पश्चिम बंगालचा हा आठ सामन्यांतील पाचवा विजय ठरला. इंडियन अॅरोज संघाचा हा सातव्या सामन्यांतील चौथा पराभव ठरला. अॅरोज संघ सात गुणांसह सातव्या स्थानावर आहे.