मुंबई : मुदीत दानीने अमेरिकेत झालेल्या प्रतिष्ठेच्या बटरफ्लाय बडगर ओपन टेबल टेनिस स्पर्धेत २३ वर्षांखालील गटाचे जेतेपद मिळवले. तब्बल १६००० डॉलर बक्षीस असलेल्या या स्पर्धेत भारताच्या टेबल टेनिसपटू मुदीत दानीने अंतिम सामन्यात वोजसीएच वोलसकीचा ९-११, ११-७, ८-११, १२-१०, ११-७ असा पराभव करत जेतेपदावर आपले नाव कोरले. पाचव्या मानांकित मुदीतने आपल्या गटातील तिन्ही सामन्यांमध्ये विजय मिळवत चमक दाखवली. मुदीतने बिगनिव जाबलोंस्की, वरुण सेंथीलकुमार आणि जेरी लु यांचा सरळ गेममध्ये पराभव करत बाद फेरी गाठली.
मुदीत दानीला अमेरिकेत जेतेपद
मुदीत दानीने अमेरिकेत झालेल्या प्रतिष्ठेच्या बटरफ्लाय बडगर ओपन टेबल टेनिस स्पर्धेत २३ वर्षांखालील गटाचे जेतेपद मिळवले.
Maharashtra Times 21 Sep 2017, 4:00 am